Popular Bible Verses from Luke 9

Share

"Ne Zezu yi -lɔ 'ɔnɛɛ gɛlenya bhulɛle- nɛɛ: «'Nyɔkpɔ kɛ -no -gbɔ 'ɔ "kɛ -ame 'gɛle-, 'ɔ 'bhale- 'ɔyi "me, -se 'ɔ libhi 'ɔnɛɛ klowa "ku zle o -zle, -se 'ɔ 'gɛle- -ame.»

"Naa- -ɔ kɛ -no -gbɔ 'ɔ "kɛ 'ɔnɛɛ zikpɛ 'fuɔ, 'ɔ 'yi 'ce bhlia-, "ne -ɔ kɛ 'ɔnɛɛ zikpɛ "me 'bhale- 'neɛ za, 'ɔ 'yi 'ce yle.

Zezu -bhulɛloa nɛɛ: «-Ɔ 'sa- 'ɔnɛɛ laabhlu -leyi kɔ "ne 'ɔ 'wolo 'lelee 'beme -wɛ, 'ɔ "ne Lagɔ 'na 'Kamalezikpɛ "me -nɔ yɔ.»

Zikpɛ "ne "ku 'na -klɔgbɔ 'klekle kɛ -neɛ' "zo-, "ne 'ɛ kɛ -eyigɛsɛ -neɛ' zikpɛ 'na kwlɛbhliɛ "me 'wlisɛle-, -ye -e 'cɛ bhɔ "me ylele- 'a?

"Naa-, 'e kɛ 'nyɔkpɔ 'zu "ku -le "ne 'na weli kɔ 'zu "ku -le -me, -zle 'Nyɔkpɔ Yowli kɛ 'ɔnɛɛ 'ŋlu "me -yile 'ɔ 'to Lagɔ "ne "nɔgɔzilia 'wɔ "bhaa, -ame, 'Nyɔkpɔ Yowli, 'e yi 'ce 'ɔnɛɛ za zu plɛ -me.

"Ne Zezu yu -lɔ bhulɛle- nɛɛ: «-Kɔkweazaki 'wɔ -kɛ -gwe 'na -mee 'wa 'plɛ, "ne "nɔgɔ "me 'na 'zea -kɛ 'wanɛɛ -lolɛ, -mɔ, 'Nyɔkpɔ Yowli "ne -kɛ 'plɛdɛ -kɛ.»

"Ne 'ɔ 'bhulɛloa -lɔ nɛɛ: «-Ɔ kɛ 'neɛ 'tɔ "me 'ɔyi yu ne yɔko lale- ne, -ame 'ye 'ɔ -no -lɔ -li 'na -li 'wli. -Ɔ -no -ame -li 'na -li 'wli -wɛ, -ɔ -lebhe -ame -wɛ, 'ye 'ɔ -no -lɔ 'wli. 'Anye 'klekle 'glɛme 'na -ɔ kwliale 'ɔyi "ku -wɛ, -noɔ -lɔ "yitɔ yɔ.»