Popular Bible Verses from Marcos 6

Share

Kaabo-abo nga tawo nga may maabot ag may mapanaw man, ngani owa eon sanday Jesus it oras bisan nga magkaon. Mawron nga naghambae imaw sa anang mga sumueunod, “Mus, maadto kita sa lugar nga owa it kabeayan agod makapahuway-huway kita.”

Naghambae si Jesus kanda, “Bisan siin nga lugar hay ginapadunggan gid ro propeta pero owa imaw ginapadunggi ku ana mismo nga mga kasimanwa, mga igbata ag pamilya.”

Pagpanaog nanda hay hakita ni Jesus ro kaabo-abo nga mga tawo nga nag-aeabutan. Naeuoy gid imaw kanda ay pareho sanda it mga karnero nga owa it gabantay. Ngani abo ro ginturo kanda ni Jesus.

Hangawa gid imaw dahil indi gid ro mga tawo idto magpati kana. Mawron nga owa imaw nag-obra idto it milagro, mageuwas sa pagpamayad sa pilang bilog nga mga masakiton nga anang gintungtungan ku anang mga alima. Pagkatapos, naglinibot si Jesus sa mga kabaryuhan ag nagturo sa mga tawo idto.

Ginbuoe dayon ni Jesus ro limang ka tinapay ag daywang ka isda. Nagtangda imaw sa eangit ag nagpasaeamat sa Dyos. Ginpihak-pihak na dayon ro mga tinapay ag gintao sa anang mga sumueunod agod ikapanueupod sa mga tawo. Ginhueueay man dayon nana ro daywang ka isda ag ginpapanueupod man sa tanan nga mga tawo. Nagkaon sanda tanan hasta nagkaeabusog. Pagkatapos, gintipon ku mga sumueunod ro mga habilin nga tinapay ag isda ag nakapuno sanda it dose ka kaing.