Popular Bible Verses from Marcos 12

Share

Nagsabat si Jesus, “Ro pinakaimportanti hay raya: ‘Pamati kamong mga Judio! Ro Ginuo nga atong Dyos hay sambilog eang. Higugmaa ro Ginuo nga imong Dyos sa bug-os nimong tagipusuon, sa bug-os nimong kabubut-on, sa bug-os nimong paino-ino ag sa bug-os nimong kusog.’ Ro ikaywa nga pinakaimportanti nga kasuguan hay raya: ‘Higugmaa ro imong isigkatawo pareho ku imong paghigugma sa imong kaugalingon.’ Owa eon it kasuguan nga mas eabaw pa sa rayang daywa.”

Pagkakita kara ni Jesus hay gintawag nana ro anang mga sumueunod ag ginhambae, “Matuod rang ginahambae kinyo nga mas abo ro ginhueog ku ruyong pobre nga baeo kaysa sa ginhueog ku tanan nga mga manggaranon ngaron, ay ro ginhueog nanda hay tag kaisot eang nga parti ku sobra ku andang manggad. Pero bisan pobre ro baeo ngaron hay gintao nana tanan ro anang kwarta bisan rato eon ro katapusan nanang kwarta.”

Maangan-angan, tag idto pa sa *lagwirta it Templo si Jesus, nagpungko imaw sa tungod it mga ginabutangan it kwarta nga ginahaead sa Dyos. Ginapinamantaw nana ro mga tawo nga nagahueog ku andang haead. Abo nga mga manggaranon ro naghueog it abo nga kwarta sa bueutangan. Tapos, may pobreng baeo nga bayi nga naghueog it daywang ka pinakamanaba it kantidad nga sinsilyo.

Ag tama man nga dapat gid nga higugmaon naton ro Dyos sa bug-os natong tagipusuon, sa bug-os natong paino-ino ag sa bug-os natong kusog. Ag kasayod man ako nga dapat naton nga palanggaon ro atong isigkatawo pareho ku pagpalangga naton sa atong kaugalingon. Mas importanti ro pagtuman sa rayang daywang ka kasuguan kaysa sa pagsunog it sapat bilang haead sa Dyos, ag sa pagtao it iba pang mga haead.”

Ginhambae sanda ni Jesus, “Kon mawron hay taw-an sa Emperador ro para sa Emperador, ag taw-an ma't-a sa Dyos ro para sa Dyos.” Hangawa sanda sa sabat ni Jesus.