Popular Bible Verses from Juan 13

Share

“Makaron hay may bag-o nga sugo nga akong ginabilin kinyo: maghigugmaanan kamo. Kon mauno ro akong paghigugma kinyo hay dapat makaruyon man ro inyong paghigugma sa kada isaea. Tungod kon makaruyon ro inyong paghigugma sa kada isaea hay dikaron masayran it tanan nga mga tawo nga sumueunod nakon kamo.”

Tungod ako nga inyong Ginuo ag Maestro hay nagpaubos agod hugasan ro inyong siki, mawron nga dapat man nga mapainubuson kamo ag haom maghugas ku siki ku kada isaea. Ro akong ginpakita kinyo hay sangka halimbawa kon ano ro inyong dapat himuon sa kada isaea.

Nagsabat si Jesus, “Indi mo maeubtan makaron ro akon ngarang ginaobra pero maeubtan mo gid ra sa ulihi.”

Matuod gid rang ginahambae kinyo nga ro ulipon hay bukon it eabaw pa sa anang amo ag ro ginpadaea nga tawo hay bukon it eabaw pa sa nagpadaea kana.

Tungod hasayran eon ninyo makaron ro mga butang ngara hay bulahan gid-a kamo kon himuon ron ninyo.

Nagtindog dayon si Jesus ag gin-uba ro anang pangsanib, ag nagtapis imaw it tualya. Pagkatapos, nagbuoe imaw it palanggana ag ginbutangan rato it tubi, ag gin-umpisahan it hugas ro siki ku anang mga sumueunod. Ana man dayon nga ginpahiran ku ana ngato nga tualya ro andang mga siki.