Popular Bible Verses from Salmos 139

Share

Ta xcal alequilal, yu'un xch'ay co'nton chca'ay, yu'un toj labal sba ti c'u x'elan apasojune; jna'oj lec ta co'nton ti vo'ot avabtelune.

Q'uelun lec avil c'u xi'elan, Dios cu'un; otquino lec li c'usi oy ta co'ntone; q'uelbun avil c'u x'elan co'nton, otquino lec avil li c'usitic ta jnope. Q'uelavil me oy c'usi chopol ta co'ntone; tuq'uibtasun batel ta be sventa sbatel osil.

Yu'un vo'ot laj apas scotol c'u x'elan oy li jbec'tale; vo'ot laj achapanun tal ta yut xch'ut li jme'e.

Aviloj c'u x'elan ilic nabuc tal li jbec'tale; chapal ono'ox avu'un ti c'u yepal c'ac'al chicuxie; tsacal ta vun avu'un scotol ti c'alal mu'yuc to'ox chc'ot ta pasele.

Muc'ul Dios, vo'ot laj aq'uel lec c'u xi'elan, xchi'uc lec xavotquinun.

¿Bu xu' chibat ti jech mu xa xavilune? ¿Bu chijatov batel ti jech nom xa oyun ta atojole?

Vo'ot xavotquinun c'alal chichoti, xchi'uc c'alal chiva'i aq'ueloj tal ta nom scotol li c'usitic ta jnope.

Ac'o me mu'yuc to'ox chloc' ta que li c'usi chcale, pero li vo'ote, Muc'ul Dios, avotquinoj xa ono'ox.

Chajal ta aba ta asat scotol c'u xi'elan bu chixanov xchi'uc c'alal ta jcux co'nton. Xavotquin scotol li c'usitic ta jpase.