Popular Bible Verses from Proverbios 26

Share

Mu me xanupultasbe slo'il li boch'o bole, yu'un naca me te xlic boliban ec. Tac'bo sutel jech chac c'u cha'al tsc'an tac'bel sc'op li boch'o bole, yu'un jech mu snop ti lec bije.

Li bol cristiano ti te no'ox chcha'pasilan o sbol talele ja' jech chac c'u cha'al jcot ts'i' ti chcha'lo' yan velta xee.

Me mu'yuc boch'o toj ech'em xlo'ilaje, mu xlic c'op, jech chac c'u cha'al c'oc' ti te no'ox chtu'p me mu'yuc si'ile.

Li boch'o ta sjoc'be xch'enal xchi'ile ja' te ta x'och yalel stuc; li boch'o ta xbalch'un batel jbejuc tone ja' te net'bil ta xc'ot stuc.

Mu'yuc bu xquiltic ti toj bij li boch'o chal ti oy lec sbijile; ja' xu' to jutuc li boch'o bole.

Me ta jtic' jbatic ta c'op ti ma'uc jventatique, xu' chlic sjol jech chac c'u cha'al jcot ts'i' me ta jnitbetic ta xchiquine.