Popular Bible Verses from Josué 10

Share

Li c'ac'al xchi'uc ue ipajic ta xanubal. Ja' to iliquic ta xanubal ti c'alal la stsalic scotol yajcontraic li israeletique. Le'e ja' te ts'ibabil ta svun li Jaser ti jech ic'ot ta pasele. Li c'ac'ale ipaj te ta o'lol vinajel; jutuc mu junuc c'ac'al inatub li c'ac'ale, muc xanov o batel.

C'alal i'ac'bat ta sc'obic amorretic yu'un Muc'ul Dios li israeletique, li Josuee te lic sc'opan li Muc'ul Diose. Ts'acal jech lic yal ta stojol scotol li xchi'iltac ta israelale: “C'ac'al, pajan te ta lum Gabaone; U, pajan te ta stenlejaltic yu'un Ajalone”, xut.

Mu'yuc ono'ox bu jech ic'ot ta pasel ta vo'one, xchi'uc mu'yuc bu jech chc'ot ta pasel yan velta ti jech ch-a'ibat sc'op yu'un Muc'ul Dios li jun vinique. Yu'un li Muc'ul Diose la scolta ta paspleito li israeletique.

Li Muc'ul Diose jech laj yalbe li Josuee: “Mu me xaxi'; vu'un chacac'bot ta ac'ob, me junuc mu xu' yu'un chatsalicot”, xut.

Li Josuee jech laj yalbe: “Mu me xaxi'ic; mu me xlo'ilaj avo'ntonic. Tsc'an oy lec stsatsal avo'ntonic; tsc'an mu xlo'ilaj avo'ntonic. Yu'un li Muc'ul Diose ja' jech co'ol ta spas batel ta stojol scotol avajcontraic ti bu chapasic batel pleitoe”, xut.