Popular Bible Verses from Daniel 7

Share

Laj yich' ac'bel tsots yabtel; laj yich' ac'bel svu'el, xchi'uc laj yich' ac'bel spas mantal. Li cristianoetic ta jujun lum, ta jujun banamil, ta jujuchop c'ope te chtunic ta stojol. Li yabtel i'ac'bate mu xlaj sc'oplal o; li yabtel ta ajvalilale mu xu' chich' tuch'bel o.

“C'alal te to jbats'il o vaychinele, “laj quil oy Boch'o chyal tal ta toc ta vinajel xco'laj xchi'uc cristiano yilel. Te ivul yo' bu oy li Boch'o mu sna' xlaj yoraile; te la snopajesic batel ta stojol.

Li yabtelic ta ajvalilal, ta pasmantale, li svu'el stsatsalic ajvaliletic li' ta banamile, ja' ch-ac'bat ta sc'obic li steclumal Boch'o te oy ta vinajele. Sbatel osil ja' tspasic o mantal; scotol li cristianoetic li' ta banamile ta xich'ic ta muc', te chtunic o ta stojolic’, xi.

Ts'acal to chlic yich' yabtelic ta pasmantal xch'ul nich'nabtac li Boch'o te oy ta vinajele. Sbatel osil mu xlaj sc'oplal o li yabtelique; j'ech'el te chcom o ta stojolic’, xiyutun.