Popular Bible Verses from Matius 26

Share

Wiak tuagoluk henede ʼgagalil wemano oluk, henebabut heberlogo welat e, seʼban ogu lemis o. Henede en elirat tu oluk opogu legep aʼgeat de, henebe en asogo tu re, mia o,” oluk moʼgulentesirik e

“An nede modok hwenik agarik warom ʼgelaʼge taknebasu o. Holuk his ya welat e, neminat nenebabut heberlogo wolomok o,” oluk moʼgulontoluk e

at ematekma ʼgelaʼge horoksogo lagarik orogole sogup ʼbou egeitik e, Allah yoʼgo pasulat disogo moʼgulesi, “Naik o! An wiagapnobua ai delnobogun holuk e, delnebip o,” oluk u ʼgelaʼge, “Ik neʼgak nouwagoluk woknema ai, wokho elit holuk e, wokhomup o. Ye, erlak holuk e, an nede epegi aʼge ai erlak o. We, hat hede epegen aʼge aiat taknobomup o,” oluk seʼban egei.

pobuk ik eʼbe anggur eʼgen aʼbosu neʼgak aʼge eʼgikmu wesirik, Allah hau wusogo seʼban egeitik, is ebano wogentasulat e, disogo moʼgulentesi, “Yu re, an nemebat o. Allah en wene wusogo wokhenebik egei ano, an nemep namogo watnobua ai pam aphwami esanat di wiak yu wiak togwi aʼge erlagapsogo ukpaik ai pam demat ema o. Holuk e, henebe ʼberlegat menit o.

At Yesus en wene asogo moʼgulentesirik e, soʼboru noʼgulat e, soʼboru roti aʼge eʼgikmu wesirik e, Allah hau weregeitik e, ebe ʼgusogo is ebano soʼburentasulat e, disogo moʼgulentesi, “Yu an nebeat o. Waguptik e, menit o,” oluk moʼgulentesirik

pobuk ik eʼbe anggur eʼgen aʼbosu neʼgak aʼge eʼgikmu wesirik, Allah hau wusogo seʼban egeitik, is ebano wogentasulat e, disogo moʼgulentesi, “Yu re, an nemebat o. Allah en wene wusogo wokhenebik egei ano, an nemep namogo watnobua ai pam aphwami esanat di wiak yu wiak togwi aʼge erlagapsogo ukpaik ai pam demat ema o. Holuk e, henebe ʼberlegat menit o.

Seʼban asogo oluk osi ebano eneʼbek waga ʼgal e, is modok nogo lebektakma en e, at Petrus ebam disogo moʼgulesi, “His e, hup ya satu jam mesik erlige paget an nemin nenebabut heberlogo wolom e, mia hwi a.

Wene mesik yu moʼgulhentaik. Anggur eʼgen aʼbosu yu noluk e, an pobuk mesik no erlak weleiktik en, hwerli naik en eragam onobouwa ai hwerli his henemin aʼbosu ʼget aʼge nul o, oluk, demat moʼgulhentegis o,” oluk moʼgulentesi.

Sue ayam iak egeimu, at Petrus en e, “I. Yesus en an moʼgulneselat, Sue ayam iak u erlak oruakhwe, hat en e, Yesus an neperlak o, oluk hat heʼgik henaganam elabe togun ani o, oluk moʼgulnesi ano ebe arat elabe tegis yu hegi,” oluk, ede eberak poluk libagarik e, loʼgu modok edemu duk-duksogo maregei.

Holuk e, lul en his inemis o. Ap an watnobuagoluk yoʼgo laga aʼge ano re, arat horoksogo waga etle o,” oluk moʼgulentesi.

Asogo ʼbo pesimu, at Yesus en e, “Is ap ʼgarok pam waronobogwi holuk e, oʼgo ʼgarok pamat waronobogwi o. Holuk e, heʼgarok ai hauwak oʼgwe togolik ʼgwelabin o.