Popular Bible Verses from Yohanes 19

Share

Asogo wogegisema, oduk nekhesirik e, disogo egei, “Arat tegis o!” oluk, odogun ʼgonu otluk ebe arat lebeksogo waraga.

Arat asogo tolukmu en, at Yesus ogola en e, “Di wene yu wene ʼberlek arat ologun wusogo tegis o,” oluk alukmu no oluk e, Allah iak pelal wokho pegesa aʼge demat emagoluk, “An ik nele o,” egei.

At ia emin, osi iak wogu legesa aʼge mesik ede hwedik modok welago aʼge ano emin, eragam asogo edik oruakma il entesirik, at ia moʼguleselat e, “Hwe yu nia. Hat homlogo aiat o,” oluk moʼgulesirik, at ot ano moʼguleselat e, “Not. Hat hia aiat o,” oluk osokhwe erianoat Yesus ia ano, at ot ano emin welemagoluk owi pam woluk laga.

Asogo tigisarik e, Yesus enil ʼgwelakhegesa ʼgal arat waragama re, oyuk porlok tu erlakma en ukpegesa. Asogo ukpegesa aʼgeat de, is ap tentara ebano aʼge mesik en e, Yesus abel akhit waʼgun dainsogo weregeimu, eleʼgwe en emep emin, ik emin, liplau waga.

Wene asogo aga ai re, Allah iak pam pelal disogo oluk wokho pegesema oruak o, “At uak porlok tua modok erlak o,” oluk egesa. Ye, mesik e, “At ebe waʼgun pam dainsogo werak poluk enil welema o,” oluk, egesema Allah iak pam pelal wokho pegesa aʼge oruakma demat emagoluk asogo tigisa ai o.

Woluk liplau womogoluk e, e Yesus ebe edikpoluk woru aʼge ano uʼgwarek en woluk louwagoluk emarlo pam pegesarik, duk nis neniak pam e, onuk Enaʼguluak ʼBelak duk pam u ʼgelaʼge, is aphwami Ibrani aʼge eniak pam e, onuk Golgota ai liplau wegesa.

Asogo wogentesimu, is ap tentara aʼge en ap ʼgaindek aʼge eneʼgare-ʼgare ʼbuktak onobogwi ai ʼgelaʼge, orlok aʼbik aʼge hwanesogo Yesus aʼgul pam ʼbuktak pogulat, sum orogole wibeʼgen werak aʼge ʼgelaʼge, ap ʼgaindek ʼbuktak onobogwi aʼge ʼgelaʼge ʼbuktak pogulat, tigisa.