Popular Bible Verses from Markus 13

Share

Adem An nane wagagup vaga it avakwa ovok erogo enanggon-at henombarugup ovara, o hivis atok vaga henendawi wadokdek dogomwi halok, henagap wendakhinivugwi o,” yugeragagi.

Yugirigya lagagirik, “O mera hudi oklarup andi hit hinunggut atma, henendawi dibagu dugwit suam watu dogwes o.

Wene owak dilisagwima wokhenombolok laguselok, wene ngga yup henendawi anggin habuk. Hit henadik henendawi hobaluk yugeragupuk. Ata, o andi vaga At Averiniki en yukhirigya hegek yugeragup.”

Mbogot inim, wen inim andi, dek arugwi ovara, An nane andi dek arisogonbuk mondok-at dogosogon o,” yiluk yugeragagi.

Wene ambi inim yugirigya dugwit, “An Ap-At Endaklagagis yi, o ngga hudi warup inim, mo il maren vaga warup inim, ako avakwa mondok ininggurat. It mbogot vaga nelagwi menda malaikat ogo, ininggurat. Eke An Ala abut ogo, ninggurat. Ilup andi, An Nasin Ala adigat agarik,” yiluk, yugeragagi.

Ndup silis bagwi, ndup sumbutwis, ogasagwi ovok henaruk hulumwi ovara, henalon habuk. Andi avyarat oklarisogon ovara, ‘Yi hivis arup ako vage ari wandiga o,’ yiluk, umbutu dogobuk.

at awi werek ako howam warimi a, hup agako warimi a, o yanggok swa ane irisim warimi a, mo nggao irisim warimi a, o andi vaga warisogon hinunggut atma, henendawi suam watu dogwes.” “At warisogon ako hit ambi ugun nogo yugusim supuk erogo wagya haoen, henendawi dibaluk, suam watu dogwes, yiluk, An wene henendawi suam watu dogop yukheraliga yi, avakwa ovok erogoat yugeraliga o,” yiluk, yugeragagi.

Ap ininis unggul adik-adik ndup sumbutwis, ap inis ombok ambi aori en ap inis ombok ambi aori inim ndup ombok ogagwi, ogarugup. Ogagusigik, o wadok ombok erogo iris, o yi awi ndi awi erom uvup agya, ogarugwi ako, akwa eneyak endaruguluk yavul wasagwi hak, anderogo wane-wane andi menda ovok erogo endak ogagya hagup o.”

O hivis ogarup ao hegek, Sek Wene yi endak akwa ap ininis unggul adik-adik menda ovok erogo yugeregek lagu dogop.

It avakwa wisane en An ninis vaga yagan wagu dugwit, ‘At Keretus ako andi, an aro,’ yiluk, avakwa wisane erogo enendawi woginuvusogom.

“Avakwa en it wene owak dilisagwima vakhiniviluk lagwi, Yakuri samban ogasagwima en nabirok vaga henatwis, okhinivugup atma, avakwa enendawima dibisiluk, henova hwalogo dogones o. Hiren adem An nane wagagup vaga, it ap ombok-ombok inim, ap ininis werek inim, enadema wokhenombolok lagup. Wokhenombolok laguselok, hiren ‘Yugeraup nanonggal aga o,’ yiluk, An ogagya neyagep ako sigam vagalogo yugeraup.

It ninen huluk wene yukhirugu dugwit, ‘An Keretus aro,’ eke, ‘An navi Ala wene yukheraliga menda aro,’ yiluk, yagan wagu dogomundik, avakwa Ala aburi enogo bogogi ako enendawi wokhinivuguluk, enalon werek menda inim, nggarogo ogarubuk menda inim, ogarugup ovara, dek.

Yugirigya lagagirik, “O andi vaga anggin-mbanggin ako okbaluk, ‘Mo il hwis iris, saut abya dek agya, dadiwap mbogot vaga en wema wambu wagya, mbogot vaga enanye werek menda ako wadok-wadok iris, ogarugwi o,’