Popular Bible Verses from Markus 7

Share

apa lako rarata nehuwu pampekiri to nadaa, pogau hala, nangio, nepatehi, nebualohi bo neago, naliu ganta, ingku to nadaa, nepatiwoo, dota rara to nadaa, hiri rara, nepakudaa, nahombo pade nakoo rara. Humawee ingku to nadaa lauria, nehuwu lako rarata pade nampakarumuta i tingoo Alatala.”

Humawee to lako hawalikuna to nehua i rarata moma namala nampakarumuta, naupawee napa to nehuwu lako rarata, eemi to nampakarumuta.” [

Nehono Yesus, “Nakonomi lolita Alatala, to laiparata nabi Yesaya nangkambelai komi to nabelo wongko, ewa naria laitulihi rara Buku to Nagaha iwei, ‘Todea i ngata ei nampemabohe-'A hante wiwira, naupawee rarara na'awa lako hi Aku.

Moma naria bunura nampasombaa-'A, apa patudu to laipatudukara tau ntanina, aga atura to laibabei manuhia.’

Parenta Alatala laihapuakami, pade patudu to laibabei manuhia laipoingkukami.”