Popular Bible Verses from यूहन्‍ना 16

Share

“मैने जे बात तुमते जामारै कही, कै मेरे द्वारा तुमें सान्‍ती मिले। जा जगत में तुमें दुख मिलौ है, पर तुम हिम्मत रखौ, मैने जगत कूं जीत लयौए।”

पर जब सत्‍य कौ आतमा आबैगौ तौ बू तुमें पूरौ सच्‍चौ रस्ता दिखाबैगौ चौंकि बू अपनी ओर ते कछू नांय कैहबेगौ। बू जो कछू सुनैगौ बेई बताबैगौ। और जो कछू हैबे बारौ है बाय उजागर करैगौ।

अब तक तुमने मेरे नाम ते कछू नांय मांगौ। मांगौ और तुमें मिल जाबैगौ जाते तुमारौ आनन्द पूरौ है जाबैगौ।

अब मैं तुमते सच कैह रयौऊं, कै मेरौ जायबौ तुमारे काजै भौत अच्‍छौ है, चौंकि अगर मैं नांय जाऊं तौ बू मददगार तुमारे जौरें नांय आबैगौ। पर जब मैं जाऊंगौ तब बाय भेजुंगो। और जब बू आबैगौ तब बू जि साबित करैगौ कै पाप, धारमिकता और परमेस्‍वर के न्याय के बारे में जा दुनियां के लोग गलत हैं।

अब तुम सबऊ जाई तरैह ते दुखी हुंगे और मैं तुमते जब दुबारा मिलूंगौ तब तुमारौ मन आनन्द में बदल जाबैगौ और तुमारे बा आनन्द कूं तुमते कोई छिनांय नांय पाबेगौ। बा दिना तुम मोते कोई सबाल नांय पूछौगे। मैं तुमते सच कैह रयौऊं, मेरे नाम ते तुम जो कछू मेरे पिता ते मांगौगे बू बाय तुमें दै देगौ।

मैं तुमते सच कैह रयौऊं, तुम बिलाप करौगे और रोओगे पर जि दुनियां खुस होबैगी। तुमें दुख होगौ पर तुमारौ दुख आनन्द में बदल जाबैगौ।