Popular Bible Verses from Mahlu 27

Share

Yohmi ma hʋshi kanʋlli ʋlhpisa ont isht chakkali foka ma, Chisʋs ʋt chitoli fehna hosh tahpʋlʋt, Eli, Eli, lama sabakhlani? achi tok; yʋmmʋt an Chihowa ma! an Chihowa ma! nanta katiohmi ho̱ is sa̱ kanchi cho? achi hoke.

Yohmi ma nantʋnna tempel anu̱kaka takali tuk ʋt paknaka ak o̱ a hlilafʋt ia mʋt, aka ont taha cha tuklo tok: mihma yakni ʋt winakahanchi ma, tʋli hochito puta kʋt bakahli tok. Mihma hatak ahollopi puta kʋt tiwa ma, ʋbanumpuli puta haknip ma̱yʋt nusi tuk ʋt la̱wa kʋt tani tok.

Mihma Chisʋs ʋt atukla ma chitoli fehna hosh tahpʋla mʋt, fiopissa tok.

Sintulion micha api̱hʋt ma̱yʋt Chisʋs a̱ apesʋchi tuk aiena kash osh yakni winakʋchi, mihmʋt nana kʋt ai yakohmi puta na pisa mʋt, okla nukshopa fehna mʋt, Ilʋppak okʋt Chihowa ha̱ Ushi yo̱ mʋhli tuk pullʋshke, achi tok.

Yohmi ma hʋshi kanʋlli ʋlhpisa ont isht hannalik fehna ai ʋhlit iʋt, hʋshi kanʋlli ʋlhpisa isht chakkali ona ka, yakni moma ka ai okhlilit kʋnia tok.

Pailat ash osh, Yohmikmʋt Chisʋs osh Klaist hohchifo kʋno, nanta hak o̱ katimihchi la hinla cho? im achi ma, Iti‐taiyukhʋna yak o̱ ahonʋhlʋt illashke, momʋt okla achi tok. Mihma nahullo mi̱ko ash osh, Katiohmi ho̱? nan okpulo nanta mak o̱ yʋmohmi tuk oh cho? achi tok, Yohmi kia i̱ shahlichit tahpʋlʋt, Iti‐taiyukhʋna yak o̱ ahonʋhlʋt illashke, okla achi tok.