Popular Bible Verses from Luk 12

Share

Yohmi hoka hʋchishno mʋt, hʋchim ʋlhtahashke: yʋmmak a he hʋch ik aiahno hʋshi kanʋlli ʋlhpisa takla kia Hatak Ushi ʋt ʋla hi oke.

Yohmi kia amba Chihowa apehlichika yak o̱ hʋsh hoyashke; mikmʋno ilʋppa moyuma kʋt a hʋchim ibakaha hi oke.

Mihmʋt, Ahah! hʋsh aiahni cha, nan in laua bʋnna ya̱ hʋch ik ahalaiyo kashke: hatak ʋt nana kʋt laua ho̱ il aieshi kak o̱ im ilhfiopak ʋt takali ho̱ keyu hoke, im achi tok.

Kanima yo̱ hʋchim ilayak ʋt itonla hokma, hʋchi chu̱kʋsh ak kia mihi yo̱ pit takanla hinla akinli hoka.

Yohmi ka hʋsh katima kak osh anukfihinlit isht ilbʋsha kʋt hʋchi chaha ka kubit achʋfa kia hʋsh il achakala hinla cho?

Mihmʋt nan im ai ithʋna ʋhleha hash, Yʋmohmi hoka hʋchi ai okcha̱ya hi a̱ nana ho̱ hʋsh pa he; mikmʋt hʋchi haknip ma nana ho̱ hʋsh fohka hi a̱ anukfillit hʋch ik ilbʋsho kashke, hʋchim achi lishke.

Yohmi ka hʋchishno hʋchi̱ pa̱shi puta noshkobo ai o̱ hieli kak kia moyumʋt holhtinʋt taha yoke. Yohmi hoka ik hʋchi nukshopo kashke; holitopa kʋt hushi chipunta laua ka hʋsh i̱ shahli hoke.

Apehlichika ya̱ hʋch ima kʋt im achukma hoka, chukfʋlhpoba a̱ya ik lauwo hʋchia mʋt, ik hʋchi nukshopo kashke.

Fʋla chito puta ka anukfillit ho pesá: yʋmmak okʋt nana kia hokchi cha ʋmo ho̱ keyu: mikmʋt yʋmmak okʋt ʋlhpoyak in chuka, micha kanchak aiena kia im a̱sha keyu ho̱, Chihowa ak osh ipeta hoke. Holitopa kʋto hushi puta ka katiohmit isht hʋsh i̱ shahli ho̱?

Yohmi hoka nana hʋsh impa he, mikmʋt nana hʋsh ishka he aiena kʋt hʋch ik hoyo kashke; mikmʋt komuntʋt ik hʋchim anukfilo kashke.

Yohmi ka Chihowa hʋt hʋshuk himak nitak a̱ kowi ha̱ hiohma̱ya tuk osh, onna ha̱ apalʋska pit ʋlhpita chi̱ kia, shemʋchi kʋt yʋmihchi kʋto, hʋchishno a̱ i̱ shahlichi hosh ik hʋchi shemacho ka hinla cho? na yimmi fehna keyu hʋchia ma!

Nana kʋt ompoholmo tuk ʋt ik wakamo ka he, mikma nana kʋt luma tuk ʋt ik otaiyano ka he aiena kʋt iksho ka hi oke.