Popular Bible Verses from Luk 11

Share

Yʋmohmi ka hʋchishno ʋt hʋchi ai ʋlhpesa keyu kia, hʋchim ʋlla ya̱ nana achukma puta ka isht ima hokʋto hʋchimponna ka, hʋch I̱ki ʋba binili kʋt i̱ shaiyahlit, kʋna hosh im asilhhakma, Shilombish Holitopa ya̱ ima hinla keyu cho? im achi tok.

Yohmi ka hʋsh asilhhakma, hʋch ima he: hʋsh hoyokmʋt, hʋsh ahayucha he: hʋsh soko̱hakma, hʋchin tiwa hi oke.

Asi̱lhha aiyuka hokʋto habena hoke; mikma kʋna hosh hoyo hokʋto, ahayuchi hoke: micha kʋna hosh soko̱hakma, in tiwa pulla hi oke, hʋchim achi lishke.

Mihma yʋmmak ash ot, Ʋba pit hʋsh anumpulikmʋt, Pi̱ki ʋba ish binili ma! Chi hohchifo hʋt holitopashke. Ish apehlichika yʋt ʋlashke. Nana ish aiahni ka ʋba ya̱ a yohmi kʋt yakni ilʋppak ma a yohmi makinlashke.

Mikmʋt il ai‐ashʋchika puta ka ish pi̱ kashofashke: pishno mʋt kʋna kia aheka pin takalikma, il i̱ kashofi bano hoke: micha anukpʋlika imma hokʋno ik iba chukowá, chik pim ahno kashke; amba nanokpulo ya̱ ish pi a hlakofihinchashke, hʋsh achashke, im achi tok.

Nitak moma ilhpak ʋt a pim ʋlhpiesa mak o̱ nitak osh nitak ma ish pihi̱mashke.

Haknip a̱ i̱ pʋla hʋt nishkin ak oke: yohmi hoka chi nishkin ʋt achukmakma, chi haknip ak kia momʋt tohwikelit alota hoke; amba chi nishkin ʋt okpulo yokmʋno, chi haknip ak kia ai okhlilikʋt kʋnia hoke.

Hatak nana ak osh pʋla ha̱ pʋlali kʋt a luma̱ka ho̱ talali chatuk keyu, keyukmʋt tanchi isht‐ʋlhpisa nutaka yo̱ talali chatuk keyu, amba kʋna hoh kia ant chukowakmʋt tohwikeli ka pisa chi̱ ka, pʋla ai‐o̱ hikia ak o̱ o̱ hilechi chatuk.