Popular Bible Verses from Luk 1

Share

Chihowa ak okʋto nana kʋt ik im aia̱hlo ka hi ʋt iksho hoka, im achi tok.

Mihma Meli ash osh, Chitokaka immi ohoyo sia ka is sa pesashke: chim anuhumpa tuk mak o̱ nana kʋt ʋm ai ʋlhpiesashke, im achi tok. Mihma enchil ash ot issʋt ia tok.

Mihma enchil ash osh anonti afalaminchit, Shilombish Holitopa yak osh chim a̱ya he; yohmikma Nana moma i̱ shahli nan isht im aia̱hlika yʋt chi o̱ hoshontikacha hi oke; yohmi hoka na‐holitopa kʋt chim ʋtta hi ʋt yʋmmak kia Chihowa Ushi hohchifa hi oke.

Chitokaka yʋt yʋmma nana ho̱ im anoli tuk a̱ ont aia̱hlit taiyaha hi oka, na yimmi tuk yʋmmʋto na yukpʋshke achi tok.

Yohmi kʋt yakeh! ʋlla yʋt chi̱ fohka cha, ʋlla nakni o̱ ish ishikmʋt, hohchifo ha̱ Chisʋs ish hochifa he mak oke. Yʋmmak osh Chitokaka tobʋt ahantʋt, Nana moma i̱ shahli Ushi hohchifa he; yohmikma Chitokaka Chihowa yʋt i̱ki Lewi im ai om binili holitopa ya̱ ima hi oke. Yohmikma yʋmmak osh Chekob in chuka chʋfa isht atiaka pehlichi na bilia he: yohmikma yʋmma apehlichika ya̱ ont ataha he mʋt iiksho ka he mak oke, im achi tok.

Mihma enchil ash ot, Meli ʋt ik chi nukshopo kashke; Chihowa ish i̱ holitopa hi ʋt chim ʋlhpesa tuk oke.