Popular Bible Verses from Chan 17

Share

Yʋmmak oka na chim ai a̱hlika pulla kak o̱ isht ish i̱ kashofichashke; chim anumpa hak osh nan ai a̱hlika yoke.

Yohmi ka Chishno ak illa kak osh Chihowa a̱hli chia ka, micha Chisʋs Klaist auet ish kanchi tok ma okla ithaiyana he ak o̱ ilʋppak osh ai‐okcha̱yʋt bilia yoke.

Micha ilʋppa illa ho̱ isht asihi̱hla li keyu; amba ilʋppa pulla im anumpa hatuk mak o̱ a̱ yimma he aiena kak oke. Moyumʋt ai itib achʋfa kʋt, A̱ki chia hʋt ʋno a̱ is sʋbai acha̱fakma, anonti ʋno mʋt a chibai acha̱fa li kak inli ho̱ okla chiyuhmi cha, yʋmmak mʋt pishno a̱ a pibai acha̱fashke: yohmi na chishno ak osh auet is sa kanchi tok a̱ okla moma kʋt ithaiyanashke.

Yakni ak o̱ a kohchit ish isha hi o̱ chim asilhha li keyu; amba apesahanchit nan‐okpulo ak o̱ ishit chik ahalaiyacho ka he ak oke.

Yohmikma ilʋppʋt ai itib achʋfa kʋt pishno il itibai achʋfa kak inli ho̱ chohma hi a̱, nan‐isht aholitopa is sʋma tok a̱ ilʋppa ima lishke. Ʋno ʋt ilʋppa ai ibacha̱fa likma, anonti chishno mʋt auet is sʋbai acha̱fa; ai yakohmi ho̱ yʋmmak osh ont ai a̱hli achʋfa ka tobashke; yohmikma chishno ak osh auet is sa kanchi tok; a tok osh ilʋppak oka ish i̱ hullo kʋt ʋno a̱ is sa̱ hullo kak inli ho̱ ish chohmichi ka, yakni ʋt ithaiyanashke.