Popular Bible Verses from Chan 15

Share

Ʋno ak osh pa̱kʋpi sia hokma, hʋchishno ʋto naksish hʋchia hoke. Kʋna hosh ʋno a̱ sʋbai acha̱fa na anonti ilap ma ibai acha̱fa li hokma, mihi yosh ʋni fehna chatuk oke: ʋno ak o̱ keyukma nana hʋsh kanihma he keyu hoke.

Ʋno a̱ ho sʋbai acha̱fá; mikma ʋno mʋt hʋch ibai acha̱fa lashke. Naksish ʋt ʋpi ak o̱ pit a hikia ho̱ keyukmʋt, ilap illa kʋt ʋna he keyu chatuk a̱, yʋmmak i̱ chiyuhmit hʋchishno ak kia ʋno a̱ hʋs sʋbai acha̱fa ho̱ keyukmʋt, nana hʋsh kanihma he keyushke.

Ʋno a̱ hʋs sʋbai acha̱fa na ʋm anumpa mʋt hʋchi anukfoyuka hokma, nana ho̱ hʋsh aiahni cha hʋsh asilhha hokʋt, hʋchim ai a̱hla hi oke.

Hʋchishno ak osh hʋs si atokoli tok o̱ keyu; amba itʋnowʋt ʋnit hʋsh waya he ak atuk oke; yohmikma hʋchi a waya kʋt aiasha na A̱ki a̱ nana ho̱ a̱ hohchifo pulla kak o̱ isht hʋsh im asilhhakma, hʋch ima he mak o̱, ʋno ak osh ai atokolit hʋchim apesa li hatuk oke.

Hatak ʋt i̱ kana ʋhleha ha̱ i̱ hullo kʋt im ilhfiopak a̱ aka bohyuli hoka, hatak nana kia yʋmma i̱ shahlichit it i̱ hulla hi ʋt ikshoshke.

Naksish ʋno ak o̱ a sai offo hosh ʋni keyu hokma, mominchit ishit kanchi hoke: mikmʋt naksish ʋt ʋni hokʋto isht i̱ shahlit ʋna chi̱ ka, achukmalit apoksiachi hoke.

Ʋno ʋt hʋchi̱ hullo li tok mak o̱, chiyuhmichit hʋsh it i̱ hulla he, ilʋppak osh ʋm anumpa ʋlhpisa mak oke.

Hʋsh ʋni fehna yʋmmak okmak o̱, A̱ki ʋt isht a holitopa ai a̱hla he; yohmikma nan ʋm ai ithʋna hʋchia mak a hi oke.

Ʋno ak osh pa̱k‐ʋpi a̱hli sia hokma, anonti A̱ki ak osh apoksiachi oke.

Kʋna kia ʋno a̱ sʋbai acha̱fa keyu hokma, naksish mak o̱ ai itilauechit kanchi na bʋshi chatuk; yohmikma hatak puta mʋt yʋmmak ash aiowʋt luak a̱ pila na lua chatuk oke.

Hʋchishno pulla atuk mak o̱ nan isht ʋm ilaiyukpa hatuk mʋt hʋchin takali bilia na, na hʋchi yukpa kʋt alotowa chi̱ mak o̱, ilʋppa puta ka isht hʋchim anumpohonli li hoke.

Ʋm anumpa ʋlhpisa puta ka hʋsh im antia hokmʋt, a sa holitobli kʋt a hʋchi bilia he: ʋno ʋt A̱ki a̱ im anumpa ʋlhpisa puta ka im antia li kʋt, ai i̱ hullo mʋt a sa bilia tok mak o̱ hʋsh chiyuhma hi oke.

Hʋsh it i̱ hulla he mak o̱, ilʋppa hʋchim apihi̱sa li hoke.

Yakni ak o̱ hʋsh ai achʋfa hatuk okmʋno, yakni ʋt immi hatuk okʋno holitobla he tuk; amba yakni a̱ hʋsh ai achʋfa keyu; amba ʋno ak osh atokolit yakni a̱ a kohchit hʋch ishi li hatuk; yohmi hatuk o̱ yakni ʋt hʋchi̱ nukkilli hoke.