Popular Bible Verses from Chenesis 24

Share

Mihmʋt, Chihowah, a̱ shahli Eblaham in Chitokaka ma, nana ahni li ka̱ himak nitak a̱ is sʋm aia̱hlichi cha, a̱ shahli Eblaham a̱ ish i̱ kanashke, chim asilhha lishke.

Atukma yakohmashke, ohoyo himita nana ho̱, Chim isht ochi ya̱ akʋchi na, ak ishkó, chim asilhha lishke, achi likma, Ishkó, micha chi̱ kamel ak kia oka ya̱ ipeta lashke, achikmʋt, yʋmmak osh chin tishu Aisak a̱ ish im atokoli tuk mak ashke; mikma yʋmmak o̱ a̱ shahli ha̱ ish i̱ kana tuk a̱ isht ithʋna lashke, achi tok.

Mihma Aisak ʋt ishki Selah im ʋlhtipo ak o̱ isht ona tok, micha Lebekah ya̱ ishi na tekchi toba tok: mihma holitobli tok: micha Aisak ʋt ishki illi tuk a̱ hopohla tok.

Micha Lebekah ya̱ nayukpalit, Pin tek chia hʋt; milyʋn tahlepa sipokni puta hoh kia ishki chia hashke; mikma chim ishtatiaka yʋt i̱ nukkilli puta i̱ holihta okhissa ya̱ ieshashke, im achi tok.

Mikma Kenan okla takla ahanta li ka̱ ushetik ʋhleha ha̱ ohoyo ai ishit sʋso ha̱ chik emo ka he ya̱, Chihowah, ʋba in Chitokaka, micha yakni in Chitokaka ya̱ hochifot anumpa kʋllo chil onochechi lashke. Amba a̱ yakni ya̱, a̱ kanomi i̱ yakni ya̱ ish ona cha, ohoyo ha̱ ai ishit sʋso Aisak a̱ ish imashke, im achi tok.