Popular Bible Verses from Chenesis 21

Share

Atuk o̱ Chihowah yʋt achi tuk mak osh Salah ya̱ i̱ nowa tok: micha Chihowah yʋt anumpuli tuk mak osh Salah ya̱ i̱ yʋmihchi tok.

Mihma Chitokaka yʋt ʋlla ilbʋshʋt pa̱ya ka̱ haklo tok: mihma Chitokaka im enchel ʋt Haka ya̱ ʋba et ai i̱ howʋt, Nanta chi katiohmi cho? Haka ma, Ik chi komunto kashke; Chitokaka yʋt ʋlla yʋt ai itolʋt ilbʋshʋt pa̱ya ka̱ haklo hoka. Wakayá, ʋlla yash wakayachi cha, chibbak a̱ isht ish ieshashke; oklushi chinto ikbi la hi oka, im achi tok.

Eblaham ʋt sipoknit taiyaha ho̱ nitak ʋlhpisa Chihowah yʋt im anoli tuk a̱ ont ʋlhpiesa ma, Salah ʋt chakali cha, ʋlla nakni yo̱ im eshi tok oka.

Mihma Salah ʋt, Chitokaka yʋt sai yukpʋchi tuk oke; yohmi ka̱ kʋna hosh haklo moma kʋt sʋbai yukpa chi̱ hoke, achi tok.

Mihma Chitokaka yʋt Eblaham a̱, Ʋlla ak atuk pulla mak o̱, micha chi̱ yuka ohoyo ak atuk pulla mak o̱ isht ik chim ʋlhpeso kashke: Salah ʋt nana chim achi tuk mak o̱ moma ka̱ im anumpa ha̱ ish i̱ haponaklashke: Aisak ak o̱ chim ai unchololi hʋt iba holhtinʋt hohchifa hi oka.

Mikma ohoyo yuka ushi ak kia chim ai unchololi yoka, oklushi ikbi la hi oke, im achi tok.