Popular Bible Verses from Apostel isht Anumpa 17

Share

Yʋmmʋt Chitokaka ya̱ hoya chi̱ hatok; yʋmmak okʋto eho moma ka hʋpi mishemanchi keyu nana kia, yohma he yobakmʋt, pasholit hoyo fehna cha, yʋmmak oka ahayucha hinla hoke.

Micha issish achʋfa ho̱, hatak oklushi moma yakni paknaka a mominchit aiasha hi a̱ ikbi tok; mihmʋt nitak kaniohmi ʋlhpisa ho̱, micha kanima yo̱ aiasha he puta ka, apesa tok.

Chikowa yakni, micha nana moma yʋmma anu̱kaka aiasha aiena ka ikbi tok; yʋmmak okʋt ʋba shutik, micha yakni aiena ka in Chitokaka yokʋt tempel puta ibbak a̱ isht toba ya̱, ai ahanta keyu.

Hatak a̱ ilapo inlit atokoli tok, yʋmmak o̱ yakni a̱ ai a̱hli banot nan isht im apesa he ʋt nitak a̱ apesa tok okʋt; illi tuk a̱ tanichi hosh moma ka im ai a̱hlichi tok; ahanchi tok.

Yohmi ka Chihowa ya̱ ushi ʋhleha pia hokʋt, Chihowa imma ya̱ tʋli holisso lakna okmá, keyukmʋt, tʋli hʋta, keyukmʋt tʋli, hatak nan isht ʋtta imponna nana anukfilli hosh, na holba ikbi ya̱ chohmi hoka, hʋpim ahoba he tuk keyu hoke.