1
योहान्ना 15:5
ॱलोवा
“ङा नी, घुन्डुम स्यीङदोङ हीन धेनी खेक्यागो याक्काक्या हीन। ङी नाङ सु ॱनेली धेनी खी़ नाङ ङा ॱनेना, खोला ढेबु माङा क्षाक्कीलाक घीझ्येरी ॱनाना ङाने डारी, खेक्याई घीया झ्यी ॱमीथुक्कीलाक।
Compare
Explore योहान्ना 15:5
2
योहान्ना 15:4
ङी नाङ ॱने धेनी ङा खेक्या नाङ ॱनेलाहीन। याक्का नी घुन्डुम स्यीङदोङला ॱमेनेना, राङस्यीनगी ढेबु ॱमेकेगीन च्योक्रे, खेक्याः ङी नाङ ॱमेनेना, ढेबु क्षाक ॱमीथुक्वालाक।
Explore योहान्ना 15:4
3
योहान्ना 15:7
खेक्या ङी नाङ ॱनेती, ङी का खेक्याई नाङ ॱनेना, खीकी घी दो़गीनगो श्यी़, धेनी होदे खीकी क्षीला डुप्कीलाक।
Explore योहान्ना 15:7
4
योहान्ना 15:16
खेक्याई ङाला दाम्बामेन हीना ङी खेक्याला दाम्बाहीन। धेनी खेक्या सोरी ढेबु क्षाक्ये धाङ ढेबु दे ताक्दु ॱनेयेला, ङी खेक्याला को़वाहीन। होझ्येरी खेक्याई ङी मीङगी थोक्ने यापला घी श्यी़ना, खोङबागी खेक्याला ॱनाङगीलाक।
Explore योहान्ना 15:16
5
योहान्ना 15:13
राङगी ढोक्पोक्याई दो़न्दु राङ ॱरोक ॱलो़ ताङगीनने ल्हाक, झाम्पा श्येम्मा मेक।
Explore योहान्ना 15:13
6
योहान्ना 15:2
ङी नाङ हो़गीन याक्का घीरीने ढेबु ॱमेक्षाक्कीन याक्काक्या, खोङबागी च्ये जेदालाक धेनी ढेबु क्षाक्कीन याक्का घीरी देले ल्हाक ढेबु क्षाक्येला, खोङबागी होदे घीरी ढेक्चो़ जेदालाक।
Explore योहान्ना 15:2
7
योहान्ना 15:12
“ङी खेक्याला झाम्पा झ्यीगीन च्योक्रे, खेक्या च्यीकगी च्यीकला झाम्पा झ्यी। दे नी ङी काठीम हीन।
Explore योहान्ना 15:12
8
योहान्ना 15:8
खेक्याला ढेबु माङा क्षाक्ती, ङी ङेने हीन्गीनगो पाङपो झ्यीना, दी गोनेराङ ङी यापगी शीजे झ्युङगीलाक।
Explore योहान्ना 15:8
9
योहान्ना 15:1
“ङा नी घुन्डुम स्यीङदोङ धेन्पागो हीन धेनी ङी याप नी घुन्डुम दुम्रा क्योङगीनगो हीन।
Explore योहान्ना 15:1
10
योहान्ना 15:6
ङी नाङ ॱमेनेगीनगोला याक्का च्योक्रे, फीला ॱयुक्कीलाक धेनी काम्गीलाक। धेनी होदे याक्काक्या रुक्ती मेला ॱयुक्ती ॱरालाक।
Explore योहान्ना 15:6
11
योहान्ना 15:11
ङी घाटो खेक्याई सेम नाङ ॱनेये धाङ खेक्याई घाटो खाङयेला, ङी खेक्याला दे लाबक्या स्येबी।
Explore योहान्ना 15:11
12
योहान्ना 15:10
ङी यापगी काक्या ॱरुरी, खोङबागी झाम्पा नाङदु ॱनेगीन च्योक्रे, खेक्यागीया ङी काक्या ॱरुङना, खेक्या ङी झ्याम्पे नाङदु ॱनेगीलाक।
Explore योहान्ना 15:10
13
योहान्ना 15:17
च्यीकगी च्यीकला झाम्पा झ्यी, देराङ खेक्याला ङी कागो हीन।”
Explore योहान्ना 15:17
14
योहान्ना 15:19
खेक्या जीक्तेनगी हीन्गीनगो हीन्ना, जीक्तेनगी राङगी हीन्गीनगोला झाम्पा झ्यीयेहो़क हीना खेक्या जीक्तेनगी मालाक। ङी जीक्तेनने खेक्याला दाम्दा झ्येरी जीक्तेनगी खेक्याला दाङा झ्यीदालाक।
Explore योहान्ना 15:19
Home
Bible
Plans
Videos