Popular Bible Verses from မာကု 5

Share

ယေရှုဟှ “ငါ့သမီး၊ နန့်ရဲ့ ယောင်ကြည်ရှင်းဟှာ နန့်ဟှို ကျန်းမာစေဘီ။ ငြီသတ်ဘီးသွားပါ၊ နန့်ရဲ့ ဝေဒနာဟှနေ လွှတ်မြော့‑က်စေ” ဆိုဘီး သူ့ဟှို မိန့်တော်မူလေဟှယ်။

အယ်နေရာမာ ဆယ့်နှေ့နှစ် လောင်းလောင်း သွီးသွန်ရောဂါဟှို ပြင်းပြင်းထန်ထန် ခံစားနေရဟှူ မီးမတယော့‑က်ရှိဟှယ်။ သူဟှာ ဆရာဝန်လေ ဘောင်ဂီးနလည်း ကုသဟှားပီးဘီ။ သူ့ရဲ့ကပ်လေ အားလောင်းဂူလည်း ကူဟှားဘေမဲ့ သတ်သာလာဟှို့ နေနေသာသာ ရောဂါဟှ ပိုဘီးဆိုးလာဟှယ်။

သူဟှာ ကိုယ်တော်ရဲ့ ဝတ်လောင်ဟှို တို့လေဟှယ်။ တို့လိုက်ဟှူန သူ့ရဲ့ သွီးသွန်နေဇာလေဟှာ ရှစ်ရှင်းဘဲ့ ရပ်ဟှားဘီး၊ သူဟှာ ရောဂါပျော့‑က်ဟှားဘီ ဆိုဇာဟှို သူ့ကိုယ်ထဲမာ ခံစားရနေဟှယ်။

ကိုယ်တော်ဟှာ သူ့ရဲ့လတ်ဟှို ကိုင်ဘီးဟှာ “တလိသ ကုမိ” ဆိုဘီး သူ့ဟှို ပြောလေဟှယ် “မီးမငယ်၊ နန့်ဟှို ငါပြောမယ်၊ ထလိုက်!” ဆိုဘီး ဓိပါယ်ရဟှယ်။

အယ်မျိုးပြောနေဒူးမာ ဝါလယ်ဇရပ်မှူးရဲ့ အီဟှ တမန်တချို့ဟှာ ရော့‑က်လာဘီး “ကိုယ်တော်ရဲ့ သမီးဟှာ သေဟှားဘီ။ ဖြားဖြစ်ကြောန့် ဆရာဟှို နှော့‑က်ယှစ်နေသေးနူး” ဆိုဘီး သူးနို့ဟှ ပြောလေဟှယ်။ ယေရှုဟှ သူးနို့ဖြားဇာဘဲ့ပြောပြော ဂရုစိုက်ဟှ။ အယ်ဘေမဲ့ “ကြော့‑က်န။ ယောင်ကြည်ပါ” ဆိုဘီး ဝါလယ်ဇရပ်မှူးဟှို ပြောလိုက်ဟှယ်။

သူအယ်မျိုးပြောဇာဟှာ ယေရှုဟှ “ညစ်ညူးဟှူနတ်၊ အယ်လူထဲဟှနေ ထွပ်ဟှား!” ဆိုဘီး ပြောဟှားဟှူကြောန့် ဖြစ်ဟှယ်။ ယေရှုဟှ “နန်းနို့နာမယ် ဖြားမျိုးခေါ်နူး” ဆိုဘီး မေးလိုက်ဟှယ်။ အယ်လူဟှ “ကျွန်တော့်လေဟှ ဘောင်ဂီးဖြစ်ဟှူကြောန့် ‘လေဂေါင်၊’ ‘လူအောက်ဂီး’ ဆိုဘီး ခေါ်ဂေ့ဟှယ်!” ဆိုဘီး ယေရှုဟှို ပ္လန်ပြောလိုက်ဟှယ်။