Popular Bible Verses from မာကု 14

Share

“အဗ္ဗ၊ ဖ! ကိုယ်တော်တွပ် ရှိမျှဂူလောင်းဟှာ ဖြစ်နိုင်ဟှယ်။ အယ်ဝေဒနာခွပ်ဟှို ကျွန်တော့်နားဟှနေ ဖယ်ပေးပါ။ အယ်ဘေမဲ့ ကျွန်တော့်ရဲ့ လိုဖြစ်စေန။ ကိုယ်တော်ရဲ့လိုဘဲ့ ဖြစ်စေပါ။”

ကိုယ်တော်ဟှ “နန်းနို့ဟှာ စောင်ဇမ်းသွီးဆောန်မှုထဲဟှို က္လဘဲနေဟှို့တွပ် ဆုတောန်းဘီး စောန့်နေဂေ့။ ဝိညာဉ်ဟှဆန္ဒရှိဘေမဲ့ ဇာတိဟှအားနည်းဟှယ်” ဆိုဘီး သူးနို့ဟှို မိန့်တော်မူလေဟှယ်။

နန်းနို့ဟှို ငါ မှန်တိုင်းပြောမယ်၊ ကမ္ဘာနှံ့ ဧဝံဂေလိဟောပြောဟှူ နေရာတိုင်းမာအယ်မီးမ လောက်ရစ်ဇာလေဟှိုလည်း သူရဲ့ မှတ်တရဖြစ် ပြောကြားဂေ့လေ့မယ်” ဆိုဘီး မိန့်တော်မူလေဟှယ်။

အယ်ဘီးဟှာ ကိုယ်တော်ဟှ “ငါ့စိဟှာ သေလော့‑က်အောန် ဝန်းနဲနေလေဟှယ်။ အယ်နေရာမာ နေရစ်ဘီး ဒိနစောန့်နေဂေ့” ဆိုဘီး သူးနို့ဟှို မိန့်တော်မူဟှယ်။

သူးနို့လေဟှာ စားနေဒူးမာ ယေရှုဟှာ မုဟှိုယူဘီး၊ ကျေးဇူးတော်ဟှို ချီးမွမ်းဘီးမှ မုဟှိုဖဲ့ဘီးဟှာ တဗဲ့တော်လေဟှို ပေးလေဟှယ်။ ကိုယ်တော်ဟှ “ယူဂေ့။ အယ်မုဟှာ ငါ့ရဲ့ကိုယ်ခန္ဓာ ဖြစ်ဟှယ်” ဆိုဘီး မိန့်တော်မူလေဟှယ်။

ခွပ်ဟှိုလည်း ယူဘီးဟှာ ဘုရားသခင်ရဲ့ ကျေးဇူးတော်ဟှို ချီးမွမ်းလေဟှယ်။ အယ်ဘီးန သူးနို့လေဟှို ပေးလိုက်ဟှယ်။ သူးနို့လေ ဂူလောင်းဟှာ အယ်ခွပ်ဟှို သော့‑က်ဂေ့ဟှယ်။ ယေရှုဟှ “အယ်ဇာဟှာ လူလေတွပ် လောန်းပေးဟှူ ဘုရားသခင်ရဲ့ ပဋိညာဉ်နဇိခတ်ဟှားဟှူ ငါ့ရဲ့သွီးဖြစ်ဟှယ်။

ယေရှုဟှ “ငါ့ဟှို ထားရစ်ဘီး နန်းနို့ဂူလောင်းဟှာ ထွပ်ပ္လေးလေ့မယ်၊ ဖြားဖြစ်ကြောန့်နူးဆိုဟှာ ကျမ်းစာထဲမာ ပြောဟှားဇာဟှ ‘ဘုရားသခင်ဟှာ သိုးထီးမားဟှို ရိုက်သတ်လေ့မယ်၊ အယ်ဆိုဟှာ သိုးလေဂူလောင်းဟှာ ဆွတ်ဆွတ်ဖ္လူဟှားဂေ့လေ့မယ်။’

ထဂေ့။ နို့လေ သွားဂေ့ဇို့။ ငါ့ဟှို အပ်ဟှို့လူဟှာ ရော့‑က်လာဘီး!” ဆိုဘီး မိန့်တော်မူလေဟှယ်။

ယေရှုဟှ “နန့်ဟှို ငါ မှန်တိုင်းပြောမယ်၊ ခုညဉ့်မာဘဲ့ ကြစ်နှေ့ခါ တွန်ခန်မာ နန်ဟှာ ငါ့ဟှို သိဟှဆိုဘီး သောင်းခါ ပြောလေ့မယ်” ဆိုဘီး ပေတရုဟှို မိန့်တော်မူလေဟှယ်။