Popular Bible Verses from လုကာ 19

Share

လူသားဟှာ ပျော့‑က်နေဟှူ သူလေဟှို ရှာဟှို့န ကယ်တန်ဟှို့တွပ် ကြွလာဟှယ်” ဆိုဘီး သူ့ဟှို မိန့်တော်မူလေဟှယ်။

“ဘုရားသခင်ရဲ့ နာမန ကြွလာဟှူ မန်းဂီးဟှာ မင်္ဂလာရှိပါစေ! ကောန်းဂန်ဘောင်မာ ငြီသတ်ရှင်းရှိပါစေ။ ဗြင့်ဆောင်းဟှူနေရာမာ ဖောင်းကီးတော်မူပါစေ!” ဆိုဘီး သံက္လယ်ဂီးန ချီးမွမ်းဂေ့ဟှယ်။

ယေရှုဟှ “အယ်နေ့ဘဲ့ ကယ်တန်ရှင်းဟှာ အယ်အီထတ်ဟှို ရော့‑က်လေဘီ။ ဖြားဖြစ်ကြောန့်နူးဆိုဟှာ အယ်သူဟှာလည်း အာဗြဟံရဲ့ မ္လေးမ္လစ် တယော့‑က် ဖြစ်ဟှူကြောန့် ဖြစ်လေဟှယ်။

ယေရှုဟှာ အယ်နေရာဟှို ရော့‑က်လာဟှူ ခီမာ မော်ကေ့လိုက်ဘီးန “ဇက္ခဲ၊ ဗြန်းဗြန်ဆင်းလာ။ အယ်နေ့ နန့်အီမာ ငါတည်းမယ်” ဆိုဘီး မိန့်တော်မူလေဟှယ်။ ဇက္ခဲဟှာ ဗြန်းဗြန်ဆင်းလာဘီး ကိုယ်တော့်ဟှို ရရာတိုင်း ဝန်းသာဟှူစိန ကြိုဆိုလေဟှယ်။

ဇက္ခဲဟှာ ထရပ်ဘီးဟှာ “သခင်! ကျွန်တော်ရဲ့ အောက်စာပစ်စီး တဝပ်ဟှို ဆင်းရဲသားလေဟှို ပေးပါမယ်။ အယ်ဘီးဟှာ ကျွန်တော်ဟှာ တယော့‑က်ယော‑က်နားဟှ တရားဘဲန ယူဟှားဇာလေ ရှိမယ် ဆိုဟှာ ကျွန်တော်ဟှာ လေးဆ ပ္လန်ပေးပါမယ်” ဆိုဘီး သခင်ဘုရားဟှို လျှော့‑က်လေဟှယ်။

အယ်ခီမာ လူအောက်ဂီးထဲဟှ ဖာရိရှဲတချို့ဟှ “ဆရာ၊ ကိုယ်တော်ရဲ့ တဗဲ့တော်လေဟှို တိတိဟှားနေဟှို့ ဆောင်းမပေးတော်မူပါ!” ဆိုဘီး ယေရှုဟှို လျှော့‑က်လေဟှယ်။ ယေရှုဟှ “နန်းနို့ဟှို ငါပြောမယ်၊ သူးနို့ဟှို တိတိဟှားနေစေမယ် ဆိုဟှာ က္လော့ခဲလေဟှ အော်ဟစ်ဂေ့လေ့မယ်” ဆိုဘီး မိန့်တော်မူလေဟှယ်။