Popular Bible Verses from Markus 5

Share

Mpe I nfalak ber bate ne, “Ano, ko mulele Yakw mpa mungamon lo. Mbwali ko mor maline fali nim maninik a ne nlai lo!”

Na tomwat ngayadin, batar sa ma dare nbotin i. Bate ne ni maninik doan ngarak buti resin du lo. I nti nakmat dokterar yadin ma nfarobat ni maninik a ne lo. Ma nfenri monuk ni kabanir la nfarobat ni maninik a ne. Nempa to nangamon ma ni maninik a ne ntafal.

Mpe ntabw nof a ne darany nater desar. Ma nrase feti i nangamon lo.

Mpene Yesus nomat kanak ne limany ma nfalak, “Talita kum!” Iane isiny feti, “Ano, mpwote ko!”

Noak ma Yesus lolone natanuk e, tomwatar ketnir rof Yairus ni das rma ma rfalak ber i, “Angkam a nmat lo, mpa kete mufngol Tuangguru ma nti nim das lo!” Nempa Yesus nose felany ma to ndengar safe ma tomwatar a ne rfalak. Mpa nfalak ber Yairus, “Kete mumtaut, mulele motak!”

Ne Yesus natian smwangat yatak nof tomwate ne ma nfalak, “Hei smwangat yatak ko, mbwie mof tomwate ye!” Ne tomwate ne nafwayak, “Hei Yesus! Ratu Anaky Mangamin medase Ko! Mpweang ma mose farpe yakw? Kete mswiksa yakw nrela!” Ne Yesus nenrat i, “Ngaram ise?” Ne nfalak, “Legion, fali yadin kam.”