Popular Bible Verses from Matius 21

Share

Ma safe-safe motak ma mtyak a na mir sampangar a ne keta Ratu nal ber a kmi, lan feti milele I botuan.”

Ne Yesus nfalak, “Mdyengar fen ngamone safe ma kfwalak, farlan milele Ratu myor dalmir kateman ma to myor lan dalmir tubun, keta bise ma myose mbyalak safe ma Yakw kose ber katutun ara ne.” To lan iane nempa bise ma mfyalak ber bubuar ye, “Mbwie mof ye ma muyebas far tasik dalam! Ne keta nbie desar.

Ma tomwatar ma rmpan a rbalun rof Yesus ma ketnir ma rlarat rof mudy a ne rfalak ror lirnir silai, “Mya ma tdangin Daud empuny, ka weni Ratu ninr Mangnrure nberkat ninr Rai ma nma nor Ratu Ni kuase. Mpa mya ma tdangin Ratu Mangamin Medase!”

Ne I nfalak ber sir, “Na Kitap Lelerap dalam rarengi farye: Yakw Ningw das ye ain ma rsampayang a na. Nempa kmi myose ain ye ma neluk mangamnang anir!”

“Ka mfyalak ber tomwatar ma ramin kote Yerusalem feti: Msyalan! Lere ye mir Rai nma ber a kmi lo, I to nafdas i ma nfangat keledayar sa, ma keledai ne iane keledai anak sa.”

Yesus nfalak ber sir, “Botuan feti kmi mbyaca ayat ye na Kitap Lelerap dalam lo nre feti, ‘Bati ma tuknar a ryebas i, lere ye neluk baty fakoran lo.’ Safe-safe monuk a ne diat nlarat Ratu ninr Mangnrure Ni mpempeang, Ma safe ma tsalan a ne nangafel desar.”

Yesus nfalak a nbal, “Mpa mdyengar ma kfwalak, luryain e Ratu nfil a nkese kmi ma myeluk Ni tomwatar nempa lere ye to nfil a kmi ma myeluk Ni tomwatar lo, nempa nfil nus walyetar ma reluk Ni tomwatar. Sir a ne ma keta rose rlarat Ratu Ni faretar.”