Popular Bible Verses from Maraka 2

Share

Yesu niŋ wulu ki rama-i, ntiŋ tu kí tɛ : « Koŋ kenemaan kiri maku janmatɔnŋ na kì, nwɔ̀ i kiratɔnŋ kiri i, nini maku i ǹʼna. Míŋ na koŋ telimaan kiri dɔri kì, duu bijɛmatɔnŋ kiri. »

Yesu ǹʼja-i tu niŋ koŋ kiri bili afinŋ na kusɛbɛ, ntiŋ i ǹʼbi : « Ńʼdanshuru, mɔɔn bijɛ kiri tu-i nʼtɛ. »

Niŋ kɔɔtɛ, Yesu tu kí tɛ sɛbɛ : « Kirinŋ Nufaan jibi ki wɔri-i konanmini tɛ, nka konanmini wɔri Nufaan jibi ki tɛ kì.

Kí ǹʼja-i tu arìbɛɛ ra demaŋ kila fu ki ru konaŋ ki gbɛɛra arɔɔ kiratɔnŋ ki wu kì, kí i tunpa fu ki ŋununu, kí i ǹʼmani ki bɛɛ warinka, kí i mwurunku ki jɛri bilifinŋ nu, niŋ ta ki ra, Yesu ɲaanfɛ konaŋ ki faninmwuŋ.

Nka míŋ i ǹʼtɛ, ŋí i ǹʼji ábɛɛ wu jiŋ, tu so Koŋ Danshuru ki gbɛ, ŋì i konaŋ kiri wɔ bijɛ kiri tu kí tɛ, ntiŋ i tu pwɔkulinŋ ki sun. » Niŋ bimaan ki kɔɔtɛ, Yesu i ǹʼbi mwurunku ki tɛ : « Míŋ i bi-a miŋ tɛ, jɔrɔkɔ, ŋi i nʼwɔ bilifinŋ ki shi, ŋi i tiri kulu. »

Ŋi i ǹʼbi mwurunku ki tɛ, tu wúwɔ bijɛ kiri tu wú tɛ, walima ŋi i ǹʼbi wú tɛ, tu wú jɔrɔkɔ, wú i awɔ bilifinŋ ki shi, wú i tiri tan, ka wulu fuuli kari ru, ǹʼdanwɔ bimaŋ di?

Mìŋ manaanŋ tenŋ ki ru, weŋ ki i jɔrɔkɔ koŋ bataa ɲaanna, wú i awɔ bili byɛ ki shi. Niŋ botɔnsun i kí bataa pa, kí i Kirinŋ gbɛ-ri tu : « Yibɛɛ bi ka bishi ja ja-i sun kì dɛ! »