Popular Bible Verses from Matiyu 18

Share

Sabu a koŋ fuuli walima koŋ byaŋ ja arìmaŋ nakɔli mani woo mani nu, míŋ tɔ ki bira, míŋ i kí faninmwuŋ. »

Yesu tu sɛbɛ : « Míŋ a ǹʼbi ábɛɛ tɛ, ńʼtu a ábɛɛ koŋ fuuli fumaan ki fu bi woo bi sun, ka pwɔkulinŋ ka sun, á i ǹʼnafɛ, ńʼtu míŋ Tiŋ Kirinŋ wɔ̀ i kirinpɔli ki ra, niŋ a niŋ ma ábɛɛ tɛ.

Niŋ waari ru, Yesu i daŋ pyaanŋ bɛɛ dɔri, ntiŋ i na niŋ tu kí faninmwuŋ, ntiŋ i ǹʼbi tu : « Sɛli ki ra, míŋ a ǹʼbi ábɛɛ tɛ ńʼtu, a ábɛɛ á rapwulu ji miŋ tu daŋ pyaanŋ ni kì, ńʼtu ábɛɛ ra de kirinpɔlila Masabi ki ru fyewu kì.

Konwɔtiŋ i a yɛri sunjɛri-ra miŋ tu ka daŋ pyaanŋ kaa, nintiŋ ki gbɛ-i kirinpɔlila Masabi ki ru.

Koŋ woo koŋ i ka daŋ ka bishi paka shɔ-a míŋ bira, nintiŋ míŋ paka shɔ-i. »

Sɛli ki ra, míŋ a ǹʼbi ábɛɛ tɛ, ńʼtu a ábɛɛ finŋ woo finŋ kɔli pwɔkulinŋ ki sun, tu niŋ a kɔli kirinpɔli ki ra, a ábɛɛ finŋ woo finŋ pili pwɔkulinŋ ki sun, niŋ a pili kirinpɔli ki ra. »

Yesu tu : « Mìŋ ɲaan tenŋ ki tɛ, a ábɛɛ bataa tenŋ tenŋ ji a tindaŋ ki wɔ pɔli ki tu-a ntiŋ tɛ, á ciiru ki bataa wu kì, míŋ Tiŋ wɔ̀ i kirinpɔli ki ra, niŋ a na ábɛɛ ma mìnkunŋ. »

Yesu tu sɛbɛ : « Ka tiraŋ kari wɔ̀ri bili-i míŋ na, koŋ woo koŋ i ji-a sababu, ntiŋ i niŋ bɛɛ tenŋ ŋununli, ntiŋ i ǹʼfɔni, sana ntiŋ i niŋ ma, a kí kwɔtuntuŋ sinaŋ kɔli-li ntiŋ yɛɛra, kí i ta ntiŋ kee bo wɛɛlufinju ki ru, niŋ wuru-ra pari ntiŋ sun.

Yesu tu kí tɛ : « Ábɛɛ nfɛnŋ miiri-ra ka sun? A saa yaataanŋ (100) ji konwɔtiŋ gbɛ, a saa tenŋ fɔni san yìrì ra tɔnŋ ki ru, ntiŋ i saa yaapyiiraŋ fa bwununtenpɔni ki (99) tu-a tɔnŋ ki ru nmaŋ, ntiŋ i ta niŋ tenŋ ki ceeli kì wa?