Popular Bible Verses from Yuhana 2

Share

Niŋ ji-i Yesu wɔ taanmashɛ jɔnɔ mamaan ki i, ntiŋ ninwɔ̀ ma-i Kana kili ki ra Galile sɔɔta ki ru, ntiŋ i a nɔɔri ki ji. Ntiŋ wɔ kalindaŋ kiri i bili ntiŋ na.

Nka Yesu i nmari rupwulu tu : « Míŋ ɲiŋ, niŋ míŋ fa ábɛɛ faninmwuŋ bi i kì. Mɔ́ɔ́n waaci ki so-i sun kì. »

Yesu i ǹʼbi cinŋ matɔnŋ kiri tɛ tu : « Á ka daa kari faa ju ra. » Nini i daa kiri faa fɔ arì tɔnŋ na. Yesu i ǹʼbi kí tɛ tu : « Á ǹʼpyaanŋ sili, á i ta niŋ wɔri nufinŋ ɲaanpotɔnŋ kiri jɛntɔnŋ ki tɛ. » Cinŋ matɔnŋ kiri i niŋ ma.

Yesu tu kí tɛ : « Á ka Kirinfusinaŋ ka gwu, míŋ a ǹʼtan jɔrɔkɔ ǹʼŋunaŋ i sunŋ byaŋ ciiru. »

Ntiŋ i yaaraŋ tɔni ji shɛnŋ i, ntiŋ i kí fa arɔɔ saa kiri fa arɔɔ naan kiri bataa kalikali po san Kirinfusinaŋ ki kaniŋ ki ru. Ntiŋ i jalinŋ nucinitɔnŋ kiri wɔ jalinŋ ki jeɲe bo fwuniŋ sun, ntiŋ i kɔ́ɔ́ tabali kiri cibi. Niŋ kɔɔtɛ, ntiŋ i ǹʼbi kilaaŋ jutɔnŋ kiri tɛ tu : « Á po san finŋ kari wu kwumaŋ! Á fa míŋ Tiŋ ki wɔ fu ki ji jɔɔ tanmaŋ i kì! »