Popular Bible Verses from Yuhana 15

Share

Ntiŋ tu : « Míŋ i ɛrɛnsɛnŋ jirinŋ ki i, ábɛɛ i ji ǹʼgbɛrinŋ kiri i. Konwɔtiŋ da tu-i míŋ na, míŋ i tu ntiŋ fan, nintiŋ a daŋ pa ǹʼmwɔɔnna. Sabu ábɛɛ ra so finŋ tɔri tenŋ ma-i míŋ kɔɔtɛ kì.

Á á da tu míŋ na, miŋ tu míŋ tu-i ábɛɛ fan ɲaan wɔ̀ tɛ. Gbɛrinŋ wɔ̀ da jirinŋ ki ra kì, niŋ so-a daŋ pa-i kì, mìŋ ɲaan ki tɛ, ábɛɛ ra so daŋ pa-i, á da tubali míŋ na kì. »

A ábɛɛ á da tu míŋ na, niŋ fa á i mɔ́ɔ́n wulu kiri tu á ciiru, finŋ woo finŋ bi i ábɛɛ ra, á niŋ nafɛ, ábɛɛ ra niŋ bataa kila.

Ábɛɛ kiri míŋ ɲaannashi kì, nka mínki ábɛɛ ɲaannashi-i. Míŋ ábɛɛ cin-i, ńʼtu á ta daŋ pa, nwɔ̀ a kɔ kì. Niŋ ki ra, a ábɛɛ finŋ woo finŋ nafɛ míŋ Tiŋ ki gbɛ, míŋ tɔ ki wu, niŋ finŋ ki bataa ra wɔri ábɛɛ tɛ.

Ŋi i nʼyɛri ki ɲini ki wɔri nʼwɔ wɔshuru kiri bira, bidintɛbi tɔri fwuu niŋ sun kì.

Gbɛrinŋ finŋ woo finŋ i míŋ na, nwɔ̀ daŋ pa-a kì, kí i niŋ kwuru-ra, nka nwɔ̀ i daŋ pa-a, kí i niŋ gbɛrinŋ ki rakwuru-ra, nwɔma ŋì i pa fwuu a jɔnɔ ki sun.

Yesu tu sɛbɛ tu : « Mɔ́ɔ́n cinŋ bimaan ki i kaa : Á ámaŋ bidi ámaŋ tɛ miŋ tu míŋ ábɛɛ bidi-i ńʼtɛ ɲaan wɔ̀ tɛ.

A ábɛɛ daŋ pa ǹʼmwɔɔnna, á i ǹʼji tu ábɛɛ mɔ́ɔ́n kalindaŋ ni, míŋ Tiŋ ki a gbɛ ninki ra.

Yesu tu kí tɛ sɛbɛ tu : « Míŋ i ɛrɛnsɛnŋ jirinŋ sɔbɛ ki i, míŋ Tiŋ ki i ǹʼjitiŋ ki i.

Konwɔtiŋ a da tu míŋ na kì, kí i nintiŋ shi kee-ra taanna, miŋ tu jirinŋ gbɛrinŋ kwurumaan i furu-ra ɲaan wɔ̀ tɛ, kí i ǹʼshi bo tuu ru, tuu ki i ǹʼpa.

Míŋ ka wulu kari bi-i ábɛɛ tɛ, nwɔma ciirudibi wɔ̀ i míŋ gbɛ, niŋ i ji ábɛɛ gbɛ sɛbɛ, áwɔ ciirudibi ki i nafaa. »

A ábɛɛ ji mɔ́ɔ́n cinŋ bimaan kiri ma-a, ábɛɛ ra tu mɔ́ɔ́n bidintɛbi ki ru, miŋ tu míŋ ńʼTiŋ ki wɔ cinŋ bimaan kiri ma-i, ŋí i tu kɔ́ɔ́ bidintɛbi ki ru.

Míŋ i nwɔ̀ bi-a ábɛɛ tɛ niŋ i kaa : Á ámaŋ bidi ámaŋ tɛ. »

Ábɛɛ ji wuru juniɲa ki wɔ ri, ǹʼwuru-ra awɔ kiri bidi a tɛ. Nka ábɛɛ juniɲa ki wɔ ri kì. Mínki ábɛɛ ɲaannashi po san-i juniɲa ki ru, niŋ ki ra, juniɲa ki i ábɛɛ bikwɔ-ri a sun.