Popular Bible Verses from Mateus 5

Share

Nunee mos bainhira ema sunu ahi-oan, nia la taka ho sanan. Maibee ahi-oan tenki tau iha fatin aas para bele foo naroman ba ema hotu nebee iha uma laran. Imi nia moris mos tenki nunee, imi tenki sai naroman ba ema seluk atu nunee sira bele haree buat diak nebee imi halo. Nunee sira sei hahii imi nia Aman iha lalehan.”

Imi mos hanesan naroman ba mundu. Imi nia naroman hanesan sidade nebee mak harii iha foho leten, ema hotu-hotu bele haree.

Ema sira nebee laran moos, sira hetan bensaun, tanba sira sei haree Maromak.

Ema sira nebee hamlaha no hamrook ba lia loos, sira hetan bensaun, tanba Maromak sei foo laran hakmatek.

Maibee Hau hatete ba imi, hadomi imi nia inimigu sira, i harohan ba Maromak para tulun ema nebee halo terus imi.

Jesus hanorin nunee: ”Ema sira nebee senti kiak iha Maromak nia futar oin no depende ba Nia, sira hetan bensaun, tanba sira nee Maromak nia ema.

Ema sira nebee lori dame, sira hetan bensaun, tanba Maromak sei bolu sira nee Nia oan.

Ema sira nebee tanis ho laran susar, sira hetan bensaun, tanba Maromak sei hamaran sira nia matan been.

Ema nebee hetan terus tanba moris tuir lia loos, sira hetan bensaun, tanba sira nee Maromak nia ema.

Ema sira nebee mak hatudu laran diak ba ema seluk, sira hetan bensaun, tanba Maromak sei hatudu Nia laran diak ba sira.

Bainhira ema hatete aat imi i halo terus imi tanba imi tuir Hau, ka sira bobar lia tuun-sae hodi hatete aat imi nia naran tanba Hau, imi hetan bensaun. Kuandu ema halo imi terus nunee, simu ho haksolok i kontenti deit baa, tanba Maromak sei foo premiu boot ba imi iha lalehan. Keta haluha katak, Maromak nia profeta sira nebee moris iha tempu uluk mos, ema halo terus sira hanesan nee.”

Ema sira nebee simples no maus, sira hetan bensaun, tanba Maromak sei foo fatin ba sira iha mundu nee.

“Imi hanesan masin ba mundu. Maibee se masin nee sai miis ona, ita la bele halo meer fila fali, la iha folin tan ona. Ita soe tiha deit i ema sama baa-mai.

Aman Maromak iha lalehan hadomi ema hotu-hotu, nunee imi tenki hadomi mos hanesan Nia.”

Entaun se imi promete atu halo buat ruma, dehan deit, ‘Loos, hau sei halo.’ Se lae, dehan deit, ‘Lae.’ Se imi dehan liu hosi ida nee, entaun liafuan sira nee mai hosi aat nain.”

“Imi rona ona lei nebee dehan, ‘Se ema ruma halo aat o nia matan, o tenki halo aat fali nia matan, se ema ruma harahun o nia nehan, o tenki harahun fali nia nehan.’ Maibee Hau hatete ba imi: la bele halo aat ba ema nebee halo aat ba imi. Se ema ruma basa imi nia hasan sorin loos, foo tan hasan sorin karuk ba nia.

Se o nia matan sorin loos halo o monu ba sala karik, sukit sai o nia matan nee i soe tiha. Diak liu o moris ho matan sorin deit, duke o iha matan rua maibee tama ba infernu. Se o nia liman loos halo o monu ba sala karik, tesi sai o nia liman nee i soe tiha. Diak liu o moris ho liman ida deit, duke o iha liman rua maibee o tama ba infernu.”