Popular Bible Verses from Lucas 9

Share

Depois Nia foo hatene ba sira hotu dehan, “Ema nebee hakarak tuir Hau, nia tenki nega nia aan rasik, lori nia krus loro-loron no tuir Hau.

Tanba see mak hakarak salva nia aan, nia sei lakon nia vida. I see mak lakon nia vida tanba nia tuir Hau, nia sei hetan moris rohan-laek.

Jesus hataan, “Ema nebee komesa serbisu ona hodi tuir Hau, maibee haree fali ba kotuk, nia la serve serbii Nai Maromak nudar nia Liurai.”

Se ema hetan buat hotu-hotu iha mundu nee, maibee nia lakon nia moris ho Maromak, nee la iha folin ida.

See mak moe simu Hau i lakohi simu Hau nia liafuan, aban-bainrua Hau, Ema Oan, mos sei moe rekonhese nia bainhira Hau fila fali mai hosi lalehan. Hau sei tuun mai ho naroman nabilan nian, ho Aman Maromak nia kbiit tomak, i anju sira nia nabilan haleu Hau.

Jesus hataan, “Asu fuik iha nia fatin hodi hela. Manu fuik mos iha nia knuuk. Maibee Hau, Ema Oan la iha fatin hodi tau Hau nia ulun baa.”

Nia hatete ba sira, “See mak simu labarik nee hodi Hau nia naran, nia simu Hau. I see mak simu Hau, nia simu mos Ida nebee haruka Hau mai. Ema nebee haraik aan nudar ema kiik, nia mak boot liu iha Maromak nia futar oin.”