Popular Bible Verses from Lucas 13

Share

Jesus hataan, “Odamatan tama ba lalehan nee, kloot. Nunee, hakaas aan para imi bele tama liu hosi odamatan nee. Hau hatete ba imi, ema barak hakaas aan atu tama baa, maibee sei la konsege.

Iha nebaa iha senhora ida nebee bonko durante tinan sanulu resin walu ona, tanba espiritu aat mak halo nia nunee. Nia kotuk kleuk loos, atu hamriik loos ituan mos la bele. Jesus haree senhora nee, i bolu nia mai hodi hatete ba nia, “Senhora, ita nia moras diak tiha ona.”

Depois Jesus tau liman ba senhora nee, i nia kotuk loos kedas. Nia hahii Nai Maromak.

Hanoin didiak ba, bainhira Maromak tesi ema hotu nia lia, ema nebee uluk dehan nia ema kiik, sei hetan respeitu boot. I ema nebee uluk ema dehan nia ema boot, Nai Maromak sei konsidera nia ema kiik.”

Bainhira uma nain hamriik taka ona odamatan nee, imi sei hamriik iha liur i sei tuku odamatan hodi husu, ‘Senhor, loke lai odamatan mai ami.’ Maibee nia hataan, ‘Hau la konhese imi, i hau la hatene imi mai hosi nebee.’

Lae! Maibee se imi la husik imi nia sala, imi mos sei mate hanesan sira nee.”

Maibee uma nain hataan fali, ‘Hau la konhese imi, i hau la hatene imi mai hosi nebee. Sai hosi nee, imi hotu nebee halo buat aat!’

Depois Jesus dehan, “Maromak ukun Nia reinu, oinsaa loos? Hau atu kompara ho saida? Nee hanesan fini nebee ema kuda iha toos. Fini nee moris, i buras ba bebeik, too ikus sai ai huun boot. Depois manu fuik sira mai halo knuuk iha nia sanak sira.”