Popular Bible Verses from Apostolu sira nia Istoria 2

Share

Pedro hataan, “Imi ida-idak tenki husik ona imi nia sala, i tuir Nai Maromak nia hakarak. Imi mos tenki sarani hodi Nai Jesus Kristu nia naran. Nee hanesan sinal katak imi tuir ona Jesus Kristu i Nai Maromak hamoos ona imi nia sala. Depois imi sei simu Nai Maromak nia Espiritu Santu.

Sira badinas rona apostolu sira nia hanorin kona ba Nai Jesus, i sira haree malu diak. Sira mos haan hamutuk, i badinas halo orasaun hamutuk.

Nai Maromak nia Espiritu Santu domina sira hotu. I sira komesa koalia lian oi-oin nebee sira nunka aprende, tuir saida mak Espiritu foo ba sira hodi koalia.

Too iha ema Judeu sira nia loron boot nebee sira bolu ‘Loron Pentekosta’, ema sira nebee tuir Nai Jesus nee halibur hamutuk iha uma ida. Derpenti sira rona lian ida mai hosi lalehan hanesan anin boot. Lian nee makaas teb-tebes, too sira hotu iha fatin nee la rona tan ema seluk nia lian. I sira haree hanesan nanaal, hanesan ahi lakan namkari iha ida-idak nia ulun leten. Nai Maromak nia Espiritu Santu domina sira hotu. I sira komesa koalia lian oi-oin nebee sira nunka aprende, tuir saida mak Espiritu foo ba sira hodi koalia.

Loro-loron sira baa adora Nai Maromak hamutuk iha Uma Kreda Boot Judeu sira nian. Sira sempre haan hamutuk iha uma ba uma ho laran haksolok. Sira gosta ajuda malu ho fuan-laran. Sira hahii Nai Maromak bebeik. Ema seluk gosta teb-tebes sira, ho haree sira diak. Loro-loron Nai Maromak salva ema, i nunee Jesus nia ema sira amenta barak ba bebeik.

‘Nai Maromak hatete, “Molok mundu remata, Hau sei fakar Hau nia Espiritu ba ema hotu-hotu. Imi nia oan mane sira ho imi nia oan feto sira, sei foo sai buat nebee ke Hau foo hatene ba sira. Imi nia oan foin sae sira, sei haree buat nebee mak Hau hatudu ba sira. I ema katuas ho ferik sira, sei mehi buat nebee mak Hau foo ba sira.

Ema sira nebee fiar ba Nai Jesus sempre neon ida laran ida. Sasaan nebee mak sira iha, ema hotu bele uza. Iha balu faan sira nia sasaan ka sira nia riku ruma, i osan nee sira fahe ba ema sarani sira, tuir ida-idak nia presiza.

Molok Nai Maromak nia loron nee too mai, Hau sei halo uluk sinal oi-oin iha loro-leten, ke halo ema admira. Loro matan sei sai nakukun; fulan sei sai mean hanesan raan. Hau mos sei halo sinal oi-oin iha mundu nee. Hanesan raan, ahi, ho suar sae ba leten. I see mak husu tulun ba Nai Maromak, sei hetan salvasaun.’ ” Liafuan sira nee mak uluk profeta Joel foo sai ona.

Molok Nai Maromak nia loron nee too mai, Hau sei halo uluk sinal oi-oin iha loro-leten, ke halo ema admira. Loro matan sei sai nakukun; fulan sei sai mean hanesan raan. Hau mos sei halo sinal oi-oin iha mundu nee. Hanesan raan, ahi, ho suar sae ba leten. I see mak husu tulun ba Nai Maromak, sei hetan salvasaun.’ ” Liafuan sira nee mak uluk profeta Joel foo sai ona.