Popular Bible Verses from Matiye 2

Share

Atoŋgoŋguk eŋgili, awlanənək wiyna dət man, Miryam. Agdukoŋguk afuŋ agagdakanənka. Yaŋ apələn ma gabal net apsənənək zəga, meleŋge də gaŋgəlnya, gəm tursan nani.

Muwani Yesu a Bet-Lehem aka dələv na Yude, gala Herodə asan aka məlyã. Dərɓaga muwani, məsənaŋ zəga azzoŋguk səmmba pay nampum a Yerusalem. Assohoŋ na: Aŋgay wiyən muwan nawsan məlĩ net mə Yudeɗiŋ di? Mulak ngərzla nan ambra pay nampum vini məde kawgagdakani.

Səza awlanən ngərzla, annekenənək zit də ənnek diyɗa.

Yaŋ Maŋgəlva anah sit də wisine adawmilyoŋ kəlaza Herodə ɓa, amndoŋguk aka dələv net dəka tive mbərən. Səza məsənaŋ zəga ambataŋgə, maslay na Daya arbanək zən aza Yosef addəv əssine aɓsən na: Asili, aslan wiyən dət mani dok a Eziptə, asok adak hã gap nənah sukgəni. Vi Herodə wakayan wiyən kawbayən.