Popular Bible Verses from लुका 6

Share

जब तोहरा दोसरि जनके देबह, तब परमेस्‍वर फेनि तोहराके खान-खानके, डिङा-डिङाके हसे हरकइलइ पुरा नापमा देबसि, केहकेकि जुन नापसे तोहरा देबह, उहे नापमा तोहरा फेनि पउबह।”

डउल मन्‍से यापन मनवा भितरासे डउले बात निकडोसइ हसे दुस्‍ट मन्‍से यापन मनवा भितरासे हइने डउल बात निकडोसइ, केहकेकि जुन बतवा मन्‍सावाक मनवा भितरा रहसइ, उहे बतवा मन्‍सावाक मुहँवासे निकडोसइ।

“बाकि यापन सतरुवानिके माया करिह हसे हुनुकाके डउल करिह। फिरताक यसरा नाहिँ राखके रिन दिह, वसने करबह जउँ तोहरा जबड इनाम पउबह हसे सबसे महान परमेस्‍वरक बेटा-बेटि हखबह, केहकेकि परमेस्‍वर बइगुनि हसे दुस्‍टवानिके फेनि दाया करससि।

जसने परमेस्‍वर पिता मइगर बडसि, तोहरा फेनि वसने मइगर हखिह।

“दोसरि जनके झिन करिह हसे परमेस्‍वर फेनि तोहराके न्याय नाहिँ करबसि। दोसरि जनके दोस झिन लगोइह हसे परमेस्‍वर फेनि तोहराके दोस नाहिँ लगोबसि। दोसरि जनके छमा देबह जउँ, परमेस्‍वर फेनि तोहराके छमा देबसि।

“बाकि मोर बतवा सुनलहरानिके मुइ कहइ बडहिँ, यापन सतरुवानिके माया करिह हसे तोहराके घिरिना करलहरानिके डउल करिह। सराप देलहरानिके यासिरवाद दिह हसे हइने डउल व्‍यबहार करलहरानिक तहिँया परथाना करिह।

दोसरि मन्‍सावाह तोहराके जथि करिय कहके इछा करसह, तोहरा फेनि हुनुकाके वसने करिह।

यगर कुनहुँ तोरके एगुडा गलवामा थपरोतइ जउँ, दोसरि गलवा फेनि डोगदेसि। यगर कुनहुँ तोर बाहराक होडलि लुगवाह लिगबिय जउँ, वकरेके तोर भितरा पेहरलि झोलियावा फेनि देसि। जुने तोरसे मङतइ वकरेके देसि हसे तोर चिजुवा लिगलहरानिसे फिरता झिन मङसि।

“एगुडा डउल गाछमा कबहुँ फेनि हइने डउल फर हइने फरसइ, न त हइने डउल गाछमा डउल फर फरे सकतइ।

एगुडा गाछ वकर फरवासे मतरे चिनेसइ। कुनहुँ फेनि काँटक झाँङसे कोइलार हइने टुरसइ, न त काँटक झाँङसे अंङगुर टुरसइ।