Popular Bible Verses from SAN LUCAS 17

Share

Bix e xiꞌ tkbaꞌn Jesús tej xin e cub mutzkꞌaj: —Weꞌwey bix cutxey. Tuꞌnj s-oc ke tcꞌuꞌja wiꞌja, ma cleta―tz̈i Jesús.

Bix ka at jun xjal nbinchan jun kaꞌ cyey nim maj, kape wuuk maj tex kꞌij, bix ka jaca maj tzin tkbaꞌn cyey: “Najsama, najsanqꞌuey wila tuꞌnj kaꞌ n-oc nbinchaꞌna tiꞌja,” ka tz̈i juꞌwa, il tiꞌj cwel cynajsaꞌna til jaca maj―tz̈i Jesús cye t-xnakꞌatz.

At jun cyxolxin, tej toc tcyeꞌyenxin mintiiꞌtl tyabelxin, e jawxsen tnimsaꞌnxin tbi Dios tuya jun cyiw tuj twiꞌxin, bix aj meltzꞌajxin tuya Jesús. Bix e cub mutzkꞌajxin t-xeeꞌ tken Jesús, bix e xiꞌ tkꞌoꞌnxin chjonte te. Jxin xjal aj meltzꞌaj tuya Jesús, te Samariaxin.

Juꞌ tzunj, cꞌoquel cycꞌuꞌja tiꞌj tuꞌn miꞌn txiꞌ cytzpetsaꞌna jun xjal tuj tbe Dios. Katzen at jun kꞌiꞌn tyol Dios tuꞌn bix ka ma tzꞌoc tbinchaꞌn il cyiꞌja, cykbanx te tuꞌn miꞌn binchantl il. Ka ma cyaj tkꞌoꞌn til, cynajsanqꞌuey.

Bix e xiꞌ tkbaꞌn Jesús cyej xjal tcub tuyaxin: —¿Yaaꞌmpatzen laaj cybaj jxjal ma chi kꞌanj? Yaj tzunj beljajtl, ¿tiiꞌn ma cheꞌx?

E xiꞌ tkbaꞌn Kaaw cyexin: —Nuket tzꞌoc ke cycꞌuꞌja tiꞌ Dios cykilca texin baꞌn tbint tuꞌn, ikchetle juꞌ chꞌin cyocslabla tisen jun twitz mostaza, jacꞌatzenle t-xiꞌ cykꞌumena tej tzeeꞌ lu tuꞌn tjatz tiiꞌn tiib tuyax tlocꞌ, tuꞌn tcuꞌx tawan tiib tuj mar, bix jacꞌatzele tbi cyyola―tz̈i Jesús.

Alj xjal nuk n-oc tcꞌuꞌj tiꞌ tchunkꞌlal twitz txꞌotxꞌ, mlay tcaman jtchunkꞌlal tzin tkꞌoꞌn Dios. Pero ja tzunj xjal yaaꞌn nukxix n-oc takꞌ tchunkꞌlal twitz txꞌotxꞌ te, sino juꞌ nxiꞌ lpe tiꞌj tajbil Dios, ccamaltzen jtchunkꞌlal tzin tkꞌoꞌn Dios.

Attzen jun kꞌij e xiꞌ tkbaꞌn Jesús cye t-xnakꞌatz: —Mlay weꞌ at ocsabl cꞌuꞌjbaj tzul tuꞌn t-xiꞌ tzpet jun xjal tuj tbe Dios. ¡Pero ay xsunj xjal ncub tkꞌoꞌn tzpetsabl tuj tbe juntl yaaꞌn cyiw tuj tocslabl, tuꞌn t-xiꞌ tzpet tuj tbe Dios! Masetlpele baꞌn oj tcub yeꞌ jun xak al tkul jxjal nkꞌon tzpetsabl te juntl, tuꞌn t-xiꞌ xeꞌt tuj mar, twitzj tuꞌnxix t-xiꞌ tuj castiwa tuꞌn Dios tuꞌnj ncub tkꞌoꞌn tzpetsabl cyej xjal yaaꞌn cyiw tuj cyocslabl.

Yal cyej xjal at twitz txꞌotxꞌ oj chꞌitk wul meltzꞌaja, inayena, jxin Smaꞌn tuꞌn Dios tuꞌn ntena cyuya xjal, miꞌn tzꞌoc cycꞌuꞌj tiꞌj alcyej at tuꞌn tbaj, tisenx kej xjal at twitz txꞌotxꞌ tuj ttyem Noé min e labtke tiꞌj alcyej at tuꞌn tbaj cyiꞌj. Min e cyocsla at tuꞌn tcub jun nim castiwa cyibaj, sino nuk ex cykꞌij nchi waaꞌn, bix nchi cꞌan, bix nchi maje, tisex cyten. Pero nuk tisen tiiꞌ tej tpon jkꞌij tej cyocx Noé tuj barc, bix ntzajtltzen jun nintzaj jbal cyibaj bix e baj cykilca xjal.