Popular Bible Verses from SAN LUCAS 16

Share

Al ma cuyante tuj jun akꞌuntl chꞌin, jax juꞌx ctcuya tuj jun akꞌuntl nim. Bix al miꞌn tcuyan tuj jun akꞌuntl chꞌin, jax mlay tcuyan tuj jun akꞌuntl nim.

Mlay tzꞌajben jun akꞌanal te caꞌba patrón. Ka ma tjoy tuꞌn tajben te jun patrón, cyjeltzen tkꞌoꞌn juntl. Bix ka jatz ma takꞌa tiib tuya tcab patrón, cyjeltzen tkꞌoꞌn jtneel. Juꞌtzen tten tuya Dios bix kꞌinemal. Ka tuya cykil cycꞌuꞌja ncheꞌx lpey tiꞌ kꞌinemal, mintzentiiꞌ cyaja tuꞌn cyajbena te Dios―tz̈i Jesús cye t-xnakꞌatzxin.

Ka min ma chi ela baꞌn tuj jchꞌin at cyuyey twitz txꞌotxꞌ, jeyꞌtzen, ¿ti tten tuꞌn toc ke tcꞌuꞌj Dios cyiꞌja tuj jnim tuj cyaꞌj? Ka min ma chi cuyana tuj j-akꞌuntl nkꞌoj tuꞌn Dios cyey twitz txꞌotxꞌ, ¿ctzaalpa tkꞌoꞌn Dios t-xel tuj cyaꞌj? Min.

Bix aj ttzakꞌbeꞌn Abraham: “Ka min o tzꞌoc cybiꞌn alcyej e tkba Moisés bix cyej cabtl tyolel Dios, jax mlay tzꞌoc cybiꞌn oj tpon juntl te kbalte tyol Dios, amale njawet itzꞌj jun cyimne juntl maj, bix npon te kbalte,” tz̈i Abraham―tz̈i Jesús cye fariseo, kej xin nim oc cyachen kꞌinemal.

Tisen tzunj, tzin cykbaꞌna tumel tuꞌn tcub cypaꞌna cyiiba tuya cyxuꞌla, tuꞌntzen baꞌn cymajey tuya juntl. Pero tzin tkbaꞌn tley Dios, ka ma cub cypaꞌn cyiiba tuya cyxuꞌla bix ka ma chi majey tuya juntl, tzin cybinchaꞌna aj pajlel. Jax juꞌx ka ma maje jun xinak tuya jun xuuj o cub tpaꞌn tiib tuya tchmil, aj pajlel tzin tbinchaꞌn―tz̈i Jesús cye fariseo.