Popular Bible Verses from SAN JUAN 17

Share

Paꞌmelkexin te tey, tuꞌn cyajbenxin tuꞌn cykꞌumenxin jaxxix tyola, cuma nuk tey tyola jaxxix.

At cychunkꞌlal xjal te junx maj nuk tuꞌnj cyocslabl tiꞌj oꞌcx jay jaxxix Dios bix wiꞌja, inayena Jesucristo, jxjal ma tzaj tsmaꞌna cyxol xjal.

Taat, yaaꞌn nuk cyiꞌj nxnakꞌatza cxeꞌl ncubsaꞌna nwitza tey, sino cyuyaj cykilca kej xjal chi ocslal wiꞌja oj t-xiꞌ cykꞌumenxin npocbala. Nxiꞌ ncubsaꞌna nwitza tey tuꞌn cyoc te junx cykilca kej xjal chi ocslal wiꞌja. Taat Nmana, tisenx junx taꞌy wuyena bix junx kena tuyey, chi ocxit junx cykilca ocslal tuꞌnj chi oc junx kuya, cuma oj toc cycyeꞌyen kej xjal yaaꞌn ocslal ka junxke, qꞌueleltzen jax tuj cywitz ma tzaj tsmaꞌna inayena.

Min chin cubsana nwitza tey tuꞌn tetz tiiꞌna ejeeꞌxin cyxol kej xjal qꞌuelel cyiiqꞌuen ejeeꞌxin, sino tuꞌn tcꞌojlana ejeeꞌxin tuꞌn miꞌn chi cub tzꞌakxin tuj tkꞌab taaw il.

Tisenx ma tzaj tkꞌoꞌna tnaabla weya, jax ma txiꞌ nkꞌoꞌna tnaabla cye, tuꞌntzen junx ten cynaabl, tisenx junx koꞌ. Ma txiꞌ nkꞌoꞌna cye tuꞌn junx ctemel nnaabla cyuya, tisenx junx koꞌ, tuꞌntzen junx ten cynaabl tuya jun cymojbabl cyiib tzꞌaklxix, tuꞌntzen tel cyniyꞌ xjal yaaꞌn ocslal tiꞌj e tzaj tsmaꞌna inayena, bix tiꞌj ma tzꞌoc cyakꞌ tey tisenx n-oc wakꞌa tey.