Popular Bible Verses from ກິດຈະການ 7

Share

ຂະນະ​ທີ່​ພວກເຂົາ​ກຳລັງ​ແກວ່ງ​ກ້ອນຫີນ​ໃສ່​ເພິ່ນ​ຢູ່​ນັ້ນ, ຊະເຕຟາໂນ​ໄດ້​ອະທິຖານ​ວ່າ, “ພຣະເຢຊູເຈົ້າ​ອົງພຣະຜູ້ເປັນເຈົ້າ, ຂໍ​ຮັບ​ເອົາ​ຈິດວິນຍານ​ຂອງ​ຂ້ານ້ອຍ​ໄວ້​ດ້ວຍ”. ແລ້ວ​ເພິ່ນ​ກໍ​ຄຸເຂົ່າ​ລົງ ແລະ ຮ້ອງ​ຂຶ້ນ​ດ້ວຍ​ສຽງ​ດັງ​ວ່າ, “ອົງພຣະຜູ້ເປັນເຈົ້າ, ຂໍ​ຢ່າ​ຖື​ໂທດ​ພວກເຂົາ​ເພາະ​ບາບ​ນີ້​ເລີຍ”. ແລ້ວ​ເພິ່ນ​ກໍ​ຂາດ​ໃຈ​ຕາຍ.

“ອົງພຣະຜູ້ເປັນເຈົ້າ​ໄດ້​ກ່າວ​ວ່າ, ‘ສະຫວັນ​ເປັນ​ບັນລັງ​ຂອງ​ເຮົາ, ແລະ ແຜ່ນດິນໂລກ​ເປັນ​ບ່ອນຮອງຕີນ​ຂອງ​ເຮົາ. ພວກເຈົ້າ​ຈະ​ສ້າງ​ບ້ານ​ແບບ​ໃດ​ສຳລັບ​ເຮົາ? ຫລື ສະຖານທີ່​ພັກຜ່ອນ​ຂອງ​ເຮົາ​ຈະ​ຢູ່​ທີ່​ໃດ?

ໃນ​ຂະນະ​ນັ້ນ ພວກເຂົາ​ໄດ້​ເອົາ​ມື​ອັດ​ຫູ​ຕົນ​ໄວ້ ແລະ ຮ້ອງ​ຈົນ​ສຸດ​ສຽງ​ຂອງ​ພວກເຂົາ, ພວກເຂົາ​ພາກັນ​ຫລູບ​ເຂົ້າ​ໃສ່​ຊະເຕຟາໂນ, ແລ້ວ​ລາກ​ເພິ່ນ​ອອກ​ໄປ​ຈາກ​ເມືອງ ແລະ ເລີ່ມ​ແກວ່ງ​ກ້ອນຫີນ​ໃສ່​ເພິ່ນ. ໃນຂະນະ​ດຽວ​ກັນ​ນັ້ນ, ຄົນ​ທັງຫລາຍ​ທີ່​ເປັນ​ພະຍານ​ໄດ້​ພາກັນ​ວາງ​ເສື້ອຄຸມ​ຂອງ​ພວກເຂົາ​ໄວ້​ທີ່​ຕີນ​ຂອງ​ຊາຍໜຸ່ມ​ຄົນ​ໜຶ່ງ​ທີ່​ຊື່​ວ່າ​ໂຊໂລ.