Popular Bible Verses from Joon 14

Share

“M basi m sumbʋgʋsʋm tisi ya, ka li anɛ m mɛŋ sumbʋgʋsʋm ka m tisi ya, ka li pʋ nwɛnɛ dunia tisidi ya si'em la. Da kɛ ka ya sʋnya san'am bɛɛ dabiem kpɛn' yaa.

Ka Yesu lɛbis o ye, “Manɛ an suor nɛ yɛlmɛŋir nɛ nyɔvʋr. Sɔ' kae na nyaŋi keŋi m Ba' Wina'am san'anɛ, asɛɛ o paae man.

Ka Yesu yɛli ba ye, “Da kɛ ka si'el daami ya sʋnyaa. Niŋimi Wina'am yadda, ka niŋ man yadda mɛn.

Amaa Sʋŋid onɛ an Wina'am Siig Kasi ka m Ba' la na ti tʋm o ya san'an na nɛ m yʋ'ʋr la, onɛ na pa'ali ya si'el wʋsa, ka tɛɛnsi ya linɛ ka m daa pian' tisi ya la wʋsa.

“Onɛ di'e man nɔzi'ela, ka siaki li, onɛ an onɛ nɔŋim. Ka onɛ nɔŋ man la, m Ba' Wina'am mɛ na nɔŋ o. Ka mam na nɔŋ o, ka nie m mɛŋi pa'al o.”

Ka m na sɔsi m Ba', ka o na tisi ya Sʋŋid sɔ'. Ka o na bɛ nɛ ya saŋa wʋsa. Onɛ an yɛlmɛŋir Siig la. Ka dunia dim kʋ nyaŋi di'e o, bɔzugɔ ba pʋ nyɛt o, ka mɛ pʋ baŋ oo. Yanam mi' o, bɔzugɔ o kpɛlimmi ya san'an, ka na bɛ ya ni.

Linɛ wʋsa ka ya sɔs man yʋ'ʋrin la, m na maali li, ye m Ba' la yʋ'ʋr na nyɛ zʋn'or o Biig la zug. Ya ya'a sɔs si'el nɛ man yʋ'ʋr, m na maali li.”

“Ya ya'a nɔŋ man, ya na siaki m nɔzi'elʋg la.

M Ba' yir mɔr dɔɔd bɛdegʋ. Ya'a ka'anɛ alaa, m naan kʋ yɛlinɛ ya ye, m kennɛ ye m maal zin'igi ya zugɔ.

Ka m ya'a keŋ maal zin'ig la naae, m na lɛn kena di'e ya lɛbi m san'an, ka ya na bɛ zin'ikanɛ ka m bɛ la.

Ka Tomas yɛl o ye, “M Zugsɔba, ti zi' fʋn ken zin'isi'a la. Ti na niŋ wala baŋi li suorɛ?”