Popular Bible Verses from Pin'ilʋg 39

Share

Zugsɔb la da bɛ nɛ Josef, ka si'el wʋsa ken sʋ'ʋŋa tisid o. On da bɛɛ o zugdaan Egipt kpɛɛm la yin la

O da zaŋ on mɔr si'el wʋsa gu'ul Josef. Josef n da gɔsid si'el wʋsa la zug, o ba'a da lɛn kae o yir la yɛla nii, ya'a ka' on na di disi'a ma'aanɛ. Josef yʋ'ʋn da nɔb nɛ hali ka vɛnl.

Onɛ gur sanrega la da kɛ ka Josef sʋ'oe banɛ bɛ sanrega ni la, ka gɔsid linɛ wʋsa tʋm anina.

ka o mɔr Josef n keŋ yɔ' zin'ikanɛ ka ba yɔɔd na'ab nimbanɛ da tʋm bɛ'ɛd la. Josef n da bɛ sanrega ni la, Zugsɔb la da bɛ nɛ o; ka onɛ gur sanrega la ya'am kpɛn' o.

Li da pʋ yuugɛ ka o zugdaan la pu'a ya'am kpɛn' o ka o yɛl o ye, “Kem na digin nɛ m!” Amaa o da zan'as ka yɛl o ye, “Gɔsima li ka' manɛ gɔsid si'el wʋsa yiraa? M zugdaan pʋ lɛn gɔsid si'el-si'el yiraa. Bɔzugɔ, o nɔki li wʋsa niŋi m nu'usin. Sɔ' ka' yin kpɛla gat mam. M zugdaan la pʋ mɔŋim si'el si'ela, asɛɛ fʋn ma'aa, fʋn aan o pu'a la zug. M na niŋ wala maal bugisim kaŋa buudi, tʋm tʋʋmbɛ'ɛdi pɔ'ɔgi m Wina'am?”

Daar yinne ka o kpɛn' yin la ye o tʋm o tʋʋma, ka yammis la sɔ'ɔsɔ ka' yin la. Ka pu'a la gban'e o fuug ka yɛl ye, “Kem na digin nɛ m!” Ka Josef yɛɛg fuug la bas o nu'usin ka zɔɔ yi.