Popular Bible Verses from Pin'ilʋg 25

Share

Ka Zugsɔb yɛl o ye, “Buudi ayi' bɛɛ fʋ pʋʋgin la, Nidiba ayi' ka fʋ ye fʋ du'a. Fʋ ya'a du'a ba, ba na pʋdig kɔn'ɔb-kɔn'ɔb. Ka yinne la na mɔr paŋi gat o tiraan, ka kpɛɛm la na lieb o pitʋ la tʋmtʋm.”

Ka o yɛl Jakob ye, “Tɔ'ɔtɔ! Tisimi fʋ dikanɛ mu'oe wii nwa' la, ka m vibidnɛ!” (Linzug ka ba da lɛm buon o ye Edom la.)

Ka Isaak da sɔs Zugsɔb n tis o pu'a la bɔzugɔ o da anɛ kʋndu'ar. Ka Zugsɔb gandigi o sɔsʋg, ka o pu'a Rebɛka nɔk liiba pʋʋg.

Ka Esau lɛbis ye, “Gɔsima, m kpiidnɛ, ka kpɛuŋ faar la sʋm an bɔɔ tisi ma?” Ka Jakob yɛl o ye, “Asɛɛ fʋ pɔɔ zi'el yiiga.” Ka o sid pɔɔ zi'el ka kuosi o kpi'euŋ faar la tis Jakob.

Ka onɛ dɔl la gban'e Esau nɔbkpansinkpan'ar. Ka ba pʋd o yʋ'ʋr ye Jakob. Saŋkan ka Rebɛka du'a liiba la, Isaak yʋma da anɛ pisyuobʋ.

Ka Isaak da bɔɔd mɔɔgin ni'im pamm, ka li kɛ ka o nɔŋ Esau on kʋʋd ni'im na tisid o la zug, amaa ka Rebɛka mɛ nɔŋ Jakob.