Popular Bible Verses from Matius 19

Share

Wene aro haibaekpa, Yesusti taongoro kembahiogti, yubu lelamogti, “Allahri taulbahile nimi tanep nena, nimi eldamneri mo uanep kom aghana, nia mangkina Allahri, ‘Uanun,’ senenne sunsunum uro ualeba, uro yabinep,” aro ambatsiog.

Ane sembe sin abeneko nong phende kom aghana, nong nhonog nenep tangtop. Allahri ela'angeap elkelap abeneko agha nong nhonog nenero ma'abahiog ane sembe, nimi nhondi babe ela'angeap elkelap a'ep taheng kom,” aro Yesusti ambatsiog.

Wene aro haibaekpa, Yesusti samoro, “Yubu nhon wamlangena, yum-yum samenag Allahri nimi sunulamsiogti, ‘Nengaboap kelaboap sumbahiog,’ aro mome toro pairopne wamla. Mome nene kemelamlom kom te? Apna nen mome nhonagna, ‘Ane sembe nengabori sikini sikinin laplobi agha, ela'angeap elkelap ma'ap tarikneag agha sin nong nhon, sop nhon nenep tangtop,’ seog.

Walamsiekpa Yesusti yubu lelamogti, “A'undi irikahiseng kom. Imagne ponekori sin wamang saog urop nimi babe paiamsildi, saelba ulamsil. Ane sembe, me tane nanag wali yaukang,” seog.

Aghana nimi whingagne wene wamang nimi agha, nimi maikno wailag sip taukang. Nimi wailagne wene wamang nimi agha, nimi maikno amik whingag sip taukang,” aro ambatsiog.

Nimi etneri, ‘Na Yesusti siag kekhaekto ul palamnun,’ aro eldinge ae, eldi eldo ilipsae, eldi eldo'el ilipsa'el, eldi ili ilin, eldi elmabo elenge awe, nimi enekori nhon sae yamolopsilenge sembe Imagneri lunuro nen teng tombare saog nembi agha ma'aro phelektopneap tatlul. Apna nimi enekoag, ‘Naba name,’ aro ya'ag kamag uro unne babe tatlul.

Wene aro haibaogpa, Yesusti samoro kabuni enekoag, “An, ‘Ni wali uro uitnun,’ senelapmen tanena, pimendi andi saeagha wamlange nimiag kamna kapto topmendi, kamna tatkeikne nimi saeagha orogne tatsululam. Undo tatsimen tanena, tup nenep taneba maikno Imagne ponekori whingag an sembe polop talul. Tatsimenba samoro nanag yamendi, nanag yubu ka'ero neleplamnululam,” aro ambarog.

Wene aro haibaogpa, Yesusti nimi enekoag, “Sa'a sembe andi walinge sembe nanag haibanelam? Ot nhonog walinge wamla. An ya'ag kamag uro unneag, ‘Wa'isene,’ senelapmen tanena, Allahri aruksirop yubu salero ul palamlulam,” aro ambarog.

Nen tipto yubu nhon lemnun. Pham unta nhon el nong olog nenep tangom agha imis phoroba lom toman wa'inep te? Eka'ukti wa'inep kom senelamlom. Aghana nen eka'uk phelektopne nhon wamlangena, tup nimi Allahri saelba ulamsil nimi tanep ina wa'ina wamnepne nen phelekto eka'uk sirik wamla,” seog.

Wene seog aghana, nari wene a'unag yubu ambarelamsin nena, nengabo nhondi kelabo tomnep. Kel eneko yog nengaboap walep tangtopne orog aghana, ela'ange ponekori kel eneko liropti, wendogne tol torop tanena, toropne ponekori ora nimiri kelabo haogha tohiropne ulamla,” aro Yesusti ambatsiog.

Wana ikin uro piogpa, Yesusti eldi yubu ka'ero neleptop nang tanekoag yubu ambarelamsiogti, “Nari a'unag sikne agha ambarelamsin nena, saeagha tup uro urop nimi Imagneri saelba ulamsil nimi tanep ina wa'ina wamnepne eka'uk wamla.