Popular Bible Verses from Ruum 8

Share

Oilaan toko nu Kinoringan-o su popuatag-atag nu onu yo po owarong intawa oraai, su' ourug nu koworongan nu lobuw osamod so Iyo, ono yo ongo lobuw pinili' Niyo musuat nu tomod Niyo.

Oilaan ku nu d'ado onu-onu kopongingkoyod nu Kinoringan pointolang nu osamod Iyo so toko pudi ong matoi intawa miau, ongo susuu'on nu Kinoringan intawa komoinatan, ololagan nu kosiono tu intawa so sunduron tu, ololagan dilanggau intawa so diipak tu. D'ado ido nu piningwaalan oono kopongingkoyod nu Kinoringan pointolang nu osamod Iyo so toko, maid so si Yisus Kristus, Tuhan toko.

Kuwai po wokon gogoma'on nu Atod nu Kinoringan, ono yo pagka dai oilaan toko onu otoop indomoon ong mogdu'a toko, monabang Iyo su' oilaan toko sono. Atod oono yo su mindamo so Kinoringan suat so toko nu dai koimbosang ong ontob-a nu totongaron.

Pagka oilaan toko nu tobangon toko nu Kinoringan so kiawi' nololagan toko, d'ado yo sono kopongodoog so toko.

Indadi kosiono, dai yo sono ukumon nu Kinoringan ongo lobuw iri nokopuido yo so si Yisus Kristus

Bang kuosaan nu koinginan oraai pomikiran nu lobuw, oinsaadan iyo nu matoi orawu' so Kinoringan musingkolaid. Nga bang Atod nu Kinoringan su mogkuasa so iyo, momikir iyo suat so koinginan nu Atod nu Kinoringan, om miau iyo musingkolaid maid so Kinoringan om osanang inawo niyo.

Nga pudi pona osuang kosusaan soko ono, dai toko ya lumaa', ala' nai' osudu'an toko om maid nu kuasa ni Kristus, komanang toko ya. Sobana ko osamod Iyo so toko.

Mongowaid nu pomikiran ku, oworos sobana koogutan so wonuo tu ong popuinongon nu kobontugan itaak so toko ong wagu.

Indadi d'ado ido kopongingkoyod nu Kinoringan pointolang nu osamod Iyo so toko pudi pona osuang kosusaan, soko likop, d'ado pokakas, insaadan toko nu lobuw, om potoyon toko.

Om Kinoringan ono kosondot mongoorati nu inawo toko, oorotian-a Niyo pomikiran nu Atod Niyo om onu yo po indomoon nu Atod oono suat so toko. Om indomoon oono, musuat so koinginan nu Kinoringan nu nitaak Niyo so toko.

Isai tundanon nu Atod nu Kinoringan om mongowaid nu kiawi' koinginan Niyo, inonakan sono nu Kinoringan.

Isai kinuasa nu koinginan niyo oraai, dai kopomikir nu onu yo po sondiang ko koinginan niyo oraai oono. Nga isai yo po kuosaan nu Atod nu Kinoringan, pomikiran niyo no suat-a so koinginan nu Atod nu Kinoringan.

Pagka nikoyuu ya nu Kinoringan Anak Niyo kondiri, om nikomouli' yo so ongo wowaidon nu potoyon suat so koworongan toko, oilaan toko nu tobangon toko ya Niyo so onu yo po.

Atod-o nu Kinoringan su poorati so inawo toko nu inonakan toko yo sono nu Kinoringan. Om pagka inonakan toko Niyo, kotorima' toko nu koworongan nijanji Niyo. Om okon ko ono ya, onu yo po nitaak Niyo so si Kristus, nga nitaak-a so toko, so' bang osonsara' toko nu kosiono tu soko koosonsara' ni Kristus nu laid po so wonuo tu, kowaid toko ya so Iyo orumaton ong wagu.

Isai kipikiran kinuasa nu koinginan oraai, alod-alod nu Kinoringan, so' dai iyo mongowaid nu ponuu'an nu Kinoringan om dai nai' iyo kopongowaid nu ono.

Kiawi' winaal so wonuo tu mimat-imat nu iya pointolangan nu Kinoringan nu inonakan Niyo.

Oilaan toko nu kiawi' piningwaalan songodoi-odoi osokitan, soko woinoi ingoton nu mokipupuanak-o, so' kiat nu gulu ri sampai kosiono tu, osonsara' sobana ongo piningwaalan oono mongimat nu poidu'on nosiro nu Kinoringan kiat so pongoraagan.