Popular Bible Verses from Pinongoorapan 1

Share

Nga otoop ong oilaan muyu nu bang lumoga' yo Atod nu Kinoringan mogkuasa so kou, taakan kou Niyo nu kuasa mugogoma'on suat so Iyo, om paabar kou sono so lobuw wokon suat so Aku so Yirusalim, so tontong wokon so Yudia, so Samaria, om so pilolongkop nu wonuo tu,” koo.

Sumombuto yo si Yisus nu, “Dai kou otoop mongilo nu runat om iya kourugan Ku nu raja, so' si Amo Kinoringan-o su monantu nu ono, maid nu kopogboya'an Niyo.

Ido runat iya nu minuimpug nosiro, tinangar sono ni Yisus nosiro nu, “Adang kou po mulaiw kiat tuui so Yirusalim. Molak kou po tuui mongindad nu Atod nu Kinoringan, iri nijanji nu Amo Kinoringan, tinangar Ku so kou gulu ri. Minongodiu' si Yuanis nu lobuw, sungoi-a su pinakai, nga dai yo olaid om suu'on nu Kinoringan Atod Niyo mogkuasa so kou,” koo si Yisus.

Solaid opat nopulu runat kiat so kinopotoyan Niyo ri, obulit Iyo mintolang so pinongoorapan Niyo, om nopoimaid-o sono nosiro nu miniau-a Iyo koimbagu. Nosiou Iyo nosiro, om monuturan Iyo so nosiro suat so Pogkuosaan nu Kinoringan.

Noopod si Yisus mutangar, kinakat-o Iyo so surga nu laid nosiro momontong so Iyo ri. Tinumapu' su kawut dii so Iyo om dai yo sono nosiou nosiro.

Laid nosiro mingaa-tingaa nu kumakat si Yisus so surga, milok po su mundii-dii duo koyuwan so obi' nosiro ri, kipokakas nu oputi' om minutangar nu, “Oo su lobuw Galilia, adang-o mundii-dii tumingaa so langit-o! Si Yisus, iri kinakat so surga nosiou muyu ri, mululi' po koimbagu soko kinoindokodan Niyo sisuna ri,” koo.