ಇವ್ಣೆ ಖಾಣು ಖಾವಾನ ಬಾದ್‌ಮ, ಯೇಸು ಸೀಮೋನ್‌ ಪೇತ್ರನ, “ಯೋಹಾನ್ನ ಛಿಯ್ಯೊ ಸಿಮೋನ್, ತೂ ಅವ್ಣೆಥೀಬಿ ಜಾ಼ಖ್ಹತ್ ಮನ ಪ್ಯಾರ್ ಕರಾಸ್ಕಿಶು?” ಕರಿ ಪುಛಾ಼ಯೊ.
ಪೇತ್ರನೆ, “ಓಹೋಲಾ, ಪ್ರಭು, ಮೇ ತುನ ಪ್ಯಾರ್ ಕರುಸ್” ಕರಿ ಬೋಲ್ಯೊ.
ತದೆ ಯೇಸುನೆ ಇನ, “ಮಾರು ಮೇಂಢಾನು ಚೆಲ್ಕಾವ್ನ ಚ಼ರಾವ್‌” ಕರಿ ಬೋಲ್ಯೊ. ಬೇನೆ ಹಲ್ಲ ಯೇಸುನೆ ಪೇತ್ರನ, “ಯೋಹಾನ್ನ ಛಿಯ್ಯಾ ಸೀಮೋನ್‌, ತೂ ಮನ ಪ್ಯಾರ್ ಕರಾಸ್ಕಿಶು?” ಕರಿ ಬೋಲ್ಯೊ.
ತದೆ ಇನೆ, “ಓಹೋಲಾ, ಪ್ರಭು ಮೇ ತುನ ಪ್ಯಾರ್ ಕರೂಸ್‌ಕರಿ ತುನಾಸ್ ಮಾಲುಮ್‌” ಕರಿ ಬೋಲ್ಯೊ.
ಯೇಸುನೆ ಇನ, “ಮಾರ ಮೇಂಢವ್‌ನಿ ಖ್ಹದರ್ ಕರ್‌” ಕರಿ ಬೋಲ್ಯೊ. ತೀನ್ನೆಹಲ್ಲ ಯೇಸುನೆ, “ಯೋಹಾನ್ನ ಛಿಯ್ಯಾ ಸೀಮೋನ್‌, ತೂ ಮನ ಪ್ಯಾರ್ ಕರಾಸ್ಕಿ ಶು?” ಕರಿ ಪುಛಾ಼ಯೊ.
ಯೇಸುನೆ ತೀನ್ನೆಹಲ್ಲ ಇನ, “ತೂ ಮನ ಪ್ಯಾರ್ ಕರಾಸ್ಕಿಶು?” ಕರಿ ಪುಛಾ಼ವ್‌ತಾನ, ಪೇತ್ರನ ದುಖ್‍ಹುಯು. ತದೆ ಇನೆ, “ಪ್ರಭು, ತುನ ಖ್ಹಾರುಸ್‌ ಮಾಲುಮ್‌; ಮೇ ತುನ ಪ್ಯಾರ್ ಕರುಸ್ ಕರೀಬಿ ತುನ ಮಾಲುಮ್‌!” ಕರಿ ಬೋಲ್ಯೊ.
ಯೇಸುನೆ ಇನ, “ಮಾರ ಮೇಂಢವ್‌ನಿ ಖ್ಹದರ್‌ಕರ್‌” ಕರಿ ಬೋಲ್ಯೊ.