Popular Bible Verses from MATEUS 27

Share

Potundi oyo tuu ndjoka ontintatu Jesus okwi igidha mokule ta ti: “Eli, Eli, lama sabaktani?” Otashi ti: Kalunga kandje, Kalunga kandje, omolwashike we ekelehi ndje?

Etopolitho lyotempeli olya tuuka okuza pombanda sigo opevi. Evi olya kakama, nomamanya oga tanduka; oombila odha suukuluka, nomidhimba odhindji dhoonakusa aayapuki odha yumuka.

Jesus okwi igidha ishewe pombanda nokwa si.

Ano omukuluntu gwaakwiita naambeyaka ya langele Jesus pamwe naye, sho ya mono ekakamo lyevi naayihe mbyoka ya ningwa po, oya tila nokutililila ya ti: “Kapu na omalimbililo, nguka okwa li Omuna gwaKalunga.”

Pokati komutenya okwa ningi omilema moshilongo ashihe ndhoka dha kwata ootundi ndatu.

Pilatus okwe ya pula ta ti: “Jesus, nguka haku tiwa Kristus, otandi mu ningi ngiini?” Oyo ayehe oya yamukula: “Na alelwe komushigakano!” Omuleli okwa ti: “Okwa yono shike ano?” Ihe oya dhiginine owala okwiigidha pombanda taa ti: “Na alelwe komushigakano!”